ഈ 103 രാജ്യങ്ങളില്‍ നിന്ന് വിസയില്ലാതെ ഒമാനില്‍ പ്രവേശിക്കാം; അനുമതി നിലവില്‍ വന്നു
മസ്‍കറ്റ്: ഇന്ത്യ ഉള്‍പ്പെടെ 103 രാജ്യങ്ങളിലെ പൗരന്മാര്‍ക്ക് വിസയില്ലാതെ പ്രവേശിക്കാനുള്ള അനുമതി നല്‍കി ഒമാന്‍.വിസയില്ലാതെ 10 ദിവസം വരെ ഒമാനില്‍ തങ്ങാമെന്ന് റോയല്‍ ഒമാന്‍ പൊലീസ് പുറത്തിറക്കിയ പ്രസ്താവന പറയുന്നു.
വിനോദസഞ്ചാരികളെ ആകര്‍ഷിക്കാനും ഒമാന്‍ സന്ദര്‍ശിക്കാനാഗ്രഹി ക്കുന്നവര്‍ക്ക് നടപടിക്രമങ്ങള്‍ എളുപ്പമാക്കാനുമാണ് പുതിയ തീരുമാനം. നേരത്തെ തന്നെ ബുക്ക് ചെയ്‍ത ഉറപ്പായ ഹോട്ടല്‍ റിസര്‍വേഷന്‍, ആരോഗ്യ ഇന്‍ഷുറന്‍സ്, മടങ്ങിപ്പോകാനുള്ള ടിക്കറ്റ് തുടങ്ങിയവയാണ് പ്രവേശനത്തിനുള്ള നിബന്ധനകള്‍. ഇവ അടങ്ങിയ
പ്രത്യേക നിബന്ധനകള്‍ക്കും നിയന്ത്രണങ്ങള്‍ക്കും വിധേയമായിട്ടാണ് പ്രവേശനം . നിലവില്‍ അഞ്ച് ജി.സി.സി രാജ്യങ്ങളിലെ പൗരന്മാര്‍ക്കാണ് വിസയില്ലാതെ ഒമാനില്‍ പ്രവേശിക്കാന്‍ അനുമതിയുണ്ടായിരുന്നത്.ഇന്ത്യക്ക് പുറമെ അമേരിക്ക, കാനഡ, ചൈന, റഷ്യ, ഇറാന്‍ ബ്രിട്ടന്‍, ഫ്രാന്‍സ്, ദക്ഷിണ ആഫ്രിക്ക, ഇന്തോനേഷ്യ, മലേഷ്യ, സിംഗപ്പൂര്‍, ഭൂട്ടാന്‍, മാലിദ്വീപ്, ജോര്‍ദാന്‍, ഈജിപ്‍ത് തുടങ്ങിയ രാജ്യങ്ങളും പ്രവേശനം അനുവദിക്കാനുള്ള പട്ടികയിലുണ്ട്.
എണ്ണയിതര വരുമാനം വര്‍ദ്ധിപ്പിക്കുന്നതിന്റെ ഭാഗമായി ടൂറിസം രംഗത്തെ ശക്തിപ്പെടുത്താനാണ് ഒമാന്‍ അധികൃതരുടെ തീരുമാനം.
Related News
സ്ത്രീകളെ ക്ഷേത്രങ്ങളില് പൂജാരിമാരായി നിയമിക്കുമെന്ന് തമിഴ്നാട് സര്ക്കാര്
കേരളീയം പിറന്നു; കേരളീയർക്ക് ഒന്നിച്ചാഘോഷിക്കാൻ കേരളീയം എനി എല്ലാ വർഷവുമെന്ന് മുഖ്യമന്ത്രി
കൊച്ചി ഫ്ളാറ്റ് പീഡന കേസ് പ്രതി മാര്ട്ടിന് ജോസഫ് പിടിയില്
ഏഷ്യന് ഗെയിംസില് വീണ്ടും മലയാളി തിളക്കം; 800 മീറ്ററില് മലയാളി താരം മുഹമ്മദ് അഫ്സല് വെള്ളി നേടി