ഏഷ്യന്‍ ഗെയിംസില്‍ വീണ്ടും മലയാളി തിളക്കം; 800 മീറ്ററില്‍ മലയാളി താരം മുഹമ്മദ് അഫ്‌സല്‍ വെള്ളി നേടി
ഇന്ന് രാത്രി 10.25നു ഷാര്‍ജയില്‍നിന്ന് തിരുവനന്തപുരത്തേക്കു തിരിക്കുന്ന എയര്‍ അറേബ്യ വിമാനം അറബിക്കടലിനു മുകളിലൂടെ പറക്കുമ്പോൾ കേരളത്തിനും അഭിമാനകരമാണ്. കേരളത്തിലെ ഏറ്റവും പ്രായം കുറഞ്ഞ ആദ്യത്തെ വനിത കൊമേഴ്സ്യല്‍ പൈലറ്റ് എന്ന സ്ഥാനവുമായാണ് സഹപൈലറ്റായി ജെനി (23) തിരുവനന്തപുരത്തേക്ക് എത്തുന്നത്.പൈലറ്റ് ലൈസന്‍സ് ലഭിച്ചതിനുശേഷം നാട്ടിലേക്കുള്ള ആദ്യയാത്ര.എയര്‍ അറേബ്യ വിമാനം അറബിക്കടലിനു മുകളിലൂടെ പറക്കുമ്പോൾ കേരളത്തിലെ തീരദേശമേഖയ്ക്കും തീരദേശമേഖലയുടെ പെണ്മയ്ക്കും ഒരു ചരിത്രനേട്ടം കൂടി പറന്നെത്തുകയാണ്.
തിരുവനന്തപുരത്തെ കൊച്ചുതുറ എന്ന തീരദേശഗ്രാമത്തിനുൾപ്പെടെ അഭിമാനമായി മാറുകയാണ് ജെനി. പൈലറ്റ് ആകണമെന്ന എട്ടാം ക്ലാസ് മുതലുള്ള ആഗ്രഹത്തിനു തുണയായി നിന്നത് അച്ഛന്‍ ജെറോം ജോവിന്‍. വര്‍ഷങ്ങള്‍ക്കു മുന്‍പ് തീരദേശത്തുനിന്ന് ജോലിതേടി ദുബായിലേക്കു പോയ ആളാണ് ജെറോം. 2 വയസുമുതല്‍ ജെനിയും കുടുംബവും അജ്മാനിലാണ്.
പ്ലസ്ടു പൂര്‍ത്തിയായശേഷമാണ് ഈ മേഖലയിലേക്കു തിരിഞ്ഞത്. പരിശീലനം പൂര്‍ത്തിയാക്കി 3 മാസം മുന്‍പാണ് ലൈസന്‍സ് ലഭിച്ചത്. മാതാവ് ബിയാട്രീസ്. സഹോദരന്‍: ജെബി ജെറോം.ആദ്യമായി ജന്മനാട്ടിലേക്ക് വിമാനം പറപ്പിച്ചുകൊണ്ട് കേരളത്തിലെ ആദ്യത്തെ വനിതാ കൊമേര്‍ഷ്യല്‍ പൈലറ്റ് എന്ന നേട്ടം കൂടി സ്വന്തമാക്കുകയാണ് ജെനി.