വനിതാ ദിനത്തില് കര്ഷക സമരം സ്ത്രീകള് ഏറ്റെടുക്കും
വനിതാ ദിനമായ ഇന്ന് കര്ഷക സമര കേന്ദ്രങ്ങളുടെ ചുമതല സ്ത്രീകള് ഏറ്റെടുക്കും. കര്ഷക വിരുദ്ധ നടപടികള്ക്കെതിരെ പ്രതിഷേധം അറിയിക്കാന് പഞ്ചാബില് നിന്ന് കൂടുതല് വനിതകള് ഇന്ന് സമരപ്പന്തലില്അണിനിരക്കും .
മഹിളാ കിസാന് ദിവസ് എന്ന പേരിലാണ് വനിതാ ദിനം കര്ഷക സംഘടനകള് ആചാരിക്കുന്നത്. വിവിധ സംസ്ഥാനങ്ങളില് നിന്നും സംഘടനകളിലും നിന്നും എത്തിയ വനിതകള് സമര കേന്ദ്രങ്ങളുടെ നിയന്ത്രണം ഏറ്റെടുക്കും. സിംഗു, തിക്രി, ഷാജഹാന്പുര് എന്നീ സമരപ്പന്തലുകളില് വനിത ദിനത്തോടനുബന്ധിച്ച് പ്രത്യക പരിപാടികളും സംഘടിപ്പിച്ചിട്ടുണ്ട്.
മൂന്ന് കാര്ഷിക പരിഷ്ക്കരണ നിയമങ്ങളും പിന്വലിക്കണമെന്ന് ആവശ്യപ്പെട്ട് നടക്കുന്ന സമരം നൂറു ദിവസം പിന്നിട്ടിട്ടും സമവായമായിട്ടില്ല. ബി.ജെ.പി സര്ക്കാരിനെതിരെ അഭിപ്രായ സ്വരൂപീകരണത്തിനായി മിക്ക സംസ്ഥാനങ്ങളിലും മഹാ പഞ്ചായത്ത് നടന്ന് വരികയാണ്.