കാര്‍ഗില്‍ വിജയ് ദിവസ് ഇന്ന് ; ജ്വലിക്കുന്ന ധീരസ്മരണകളുടെ 21ാം വാര്‍ഷികം
ഇന്ന് കാര്‍ഗില്‍ വിജയദിവസ്. നുഴഞ്ഞ് കയറിയ പാക് സൈന്യത്തെ തുരത്തി പാകിസ്ഥാന് മേല്‍ ഇന്ത്യ നേടിയ യുദ്ധവിജയത്തിന് ഇന്ന് 21 വയസ്സ്. പാക്ക് സേനയ്ക്കെതിരെ 1999 മേയ് മുതല്‍ ജൂലൈ വരെയായിരുന്നു ഇന്ത്യയുടെ പോരാട്ടം.
'ഓപ്പറേഷന്‍ വിജയ്' എന്ന പേരില്‍ കരസേനയും 'ഓപ്പറേഷന്‍ സഫേദ് സാഗര്‍' എന്ന പേരില്‍ വ്യോമസേനയും അണിനിരന്ന പോരാട്ടത്തിനൊടുവില്‍, ജൂലൈ 26നു കാര്‍ഗിലില്‍ ഇന്ത്യ വിജയക്കൊടി പാറിച്ചു.
സൈനികരുടെ അസാമാന്യ പോരാട്ടവീര്യമാണ് 18,000 അടി ഉയരത്തിലുള്ള കാര്‍ഗിലിലെ യുദ്ധഭൂമിയില്‍ വിജയം നേടാന്‍ ഇന്ത്യയ്ക്കു കരുത്തായത്. പാക്കിസ്ഥാന്‍ പിടിച്ചടക്കിയ പ്രദേശങ്ങളെല്ലാം ഇന്ത്യന്‍ സേന തിരിച്ചുപിടിച്ചു.
യുദ്ധവിജയ വാര്‍ഷികാഘോഷത്തിന്‍റെ ഭാഗമായി സേനാതലത്തില്‍ ആഘോഷങ്ങള്‍ നടക്കും. വീരമൃത്യു വരിച്ച ജവാന്‍മാര്‍ക്ക് ആദരമര്‍പ്പിച്ച്‌ ഡല്‍ഹിയിലെ യുദ്ധസ്മാരകത്തില്‍ വിവിധ സേനാവിഭാഗങ്ങളിലെ ഉന്നത ഉദ്യോഗസ്ഥര്‍ പുഷ്പചക്രം സമര്‍പ്പിക്കും.
മഹായുദ്ധത്തിന്റെ ഓര്‍മകള്‍ക്ക് ഇന്ന് 21 വര്‍ഷം തികയുന്നു. കാര്‍ഗില്‍ ഇന്ന് കേവലം സ്ഥലനാമത്തിനപ്പുറം ജ്വലിക്കുന്ന ധീരസ്മരണകളുടെ വീരഭൂമി കൂടിയാണ്.
Related News
കാർഗിൽ ഹീറോക്ക് ഇനി വിശ്രമം
കാര്‍ഗില്‍ യുദ്ധ സമയത്ത് സൈനികര്ക്ക് നേരിട്ടെത്തി പിന്തുണ നല്കിയ ചിത്രങ്ങൾ പങ്കുവച്ച് മോദി