എ. സമ്പത്ത് പങ്കെടുക്കുന്ന പരിപാടികള് യുഡിഎഫ് എംപിമാര് ബഹിഷ്കരിക്കും
തിരുവനന്തപുരം: ആറ്റിങ്ങല് മുന് എംപി എ. സമ്ബത്തിനെ സംസ്ഥാന സര്ക്കാരിന്റെ പ്രത്യേക പ്രതിനിധിയായി ഡല്ഹിയില് നിയമിച്ചതിനെതിരേ വിമര്ശനവുമായി കെ. മുരളീധരന് എംപി. സംസ്ഥാന സര്ക്കാരിന്റെ പ്രതിനിധിയായി സന്പത്ത് പങ്കെടുക്കുന്ന യോഗങ്ങള് യുഡിഎഫ് എംപിമാര് ബഹിഷ്കരിക്കുമെന്ന് അദ്ദേഹം പറഞ്ഞു.
കേരളത്തിലെ ജനങ്ങള് തെരഞ്ഞെടുത്ത എംപിമാരെ മുഖ്യമന്ത്രിക്ക് വിശ്വാസമില്ല. നിലവിലെ എംപിമാര്ക്ക് ഇല്ലാത്ത എന്ത് കഴിവാണ് മുന് എംപിക്കുള്ളതെന്നും മുരളീധരന് ചോദിച്ചു. എംപിമാരെ മാറ്റി നിര്ത്താനുള്ള നടപടി സമ്ബത്തിന്റെ ഭാഗത്ത് നിന്നുണ്ടായാല് ഈ വിഷയം പാര്ലമെന്റില് ഉന്നയിക്കുമെന്നും അദ്ദേഹം വ്യക്തമാക്കി.