പരസ്യ സങ്കൽപ്പങ്ങൾക്ക് ഒരു വേറിട്ട അനുഭൂതിയുമായി മഹാദേവൻ തമ്പിയുടെ പുത്തൻ പരസ്യ ചിത്രം വൈറലാകുന്നു
പരസ്യ സങ്കൽപ്പങ്ങളിൽ പുത്തൻ ആശയവുമായി എത്തിയ മഹാദേവൻ തമ്പിയുടെ പരസ്യ ചിത്രമാണ് ഇപ്പോൾ വൈറലായിക്കൊണ്ടിരിക്കുന്നത്. മലയാളത്തിലും തമിഴിലുമായി അമ്പതോളം സിനിമകളുടെ സ്റ്റിൽ ഫോട്ടോഗ്രാഫറായി പ്രവർത്തിച്ച മഹാദേവൻ തമ്പിയുടെ മറ്റൊരു കലാസൃഷ്ടിയാണ് ഈ പരസ്യചിത്രം.
പരസ്യ ചിത്രം എന്ന് കേൾക്കുമ്പോൾ എല്ലാവരുടെയും മനസിലേക്ക് ഓടിയെത്തുന്നത് സുന്ദരനും സുന്ദരികളുമായി പരസ്യ മോഡലുകളെയാണ്. എന്നാൽ ഇവിടെ മഹാദേവൻ തമ്പിയും ടീമും ചേർന്നൊരുക്കിയത് വേറിട്ടൊരു ദൃശ്യാനുഭൂതിയാണ്. ഫുജി ഫിലിമിൻറെ പുതിയ പരസ്യചിത്രത്തിനായി ആദിവാസി ഊരുകളിൽ നടക്കുന്ന ഒരു കല്ല്യാണത്തിന്റെ ദൃശ്യങ്ങളെയാണ് തിരഞ്ഞെടുത്തിരിക്കുന്നത്. ഇന്ത്യയിൽ ഒട്ടാകെ നിരവധി പേർ ഫുജി ഫിലിമിന് വേണ്ടി പരസ്യചിത്രങ്ങൾ നിർമ്മിച്ചിട്ടുണ്ടെങ്കിലും കേരളത്തിൽ നിന്നും മലയാളികൾ നിർമ്മിച്ച ഈ പരസ്യ ചിത്രം തന്നെയാണ് വേറിട്ട് നിൽക്കുന്നത്.
വീഡിയോ കാണാനായി ലിങ്കിൽ ക്ലിക്ക് ചെയ്യുക :
ഈ പരസ്യചിത്രത്തിന് വേറിട്ടൊരു അനുഭൂതിലഭിക്കുന്നതിന് കാരണമായത് ചിത്രത്തിലെ കഥാപാത്രങ്ങളും നിറങ്ങൾ വാരിവിതറാതെ ദൃശ്യങ്ങളെ അതെപടി ഒപ്പി എടുക്കാനും സാധിച്ചുവെന്നുള്ളതാണ്. ആദിവാസി ഊരുകളിലുള്ള വ്യക്തികളെ തന്നെയാണ് കഥാപാത്രമായി തിരഞ്ഞെടുത്തിരിക്കുന്നത്.
ചിത്രീകരണത്തിനായി ആശയം നൽകിയത് പ്രശസ്ത ഫോട്ടോഗ്രാഫറായ അരുൺ സോളാണ്. അഞ്ഞൂറോളം വെഡിങ്ങുകളുടെ ഫോട്ടോഗ്രാഫറായിരുന്ന അരുൺ സോൾ സനൽ കുമാർ ശശിധരൻ ഡയറക്ട് ചെയ്ത സിനിമകളുടെ അസോസിയേറ്റീവ് ഡയറക്ടർ കൂടിയാണ്. കൂടാതെ അഭിനയ മേഖലയിലും തൻറെ കഴിവുകൾ കാട്ടിയ വ്യക്തിയാണ് അദ്ദേഹം. സ്റ്റിൽസും ക്രീയേറ്റീവ് സപ്പോർട്ടും നൽകിയത് റോയി ലോറൻസുമാണ്. ഫ്യൂജിയുടെ മെൻറ്റർ കൂടിയായ റോയി ലോറൻസ് കൊല്ലത്ത് അറിയപ്പെടുന്ന ഒരു വെഡിങ്ങ് കമ്പനിയുടെ ഓണർ കൂടിയാണ്. പരസ്യ ചിത്രത്തിൽ ഉപയോഗിച്ചിരിക്കുന്ന ഫോട്ടോകൾ എടുത്തിരിക്കുന്നത് റോയി ലോറൻസും അരുൺ സോളും ചേർന്നാണ്. ഈ പരസ്യചിത്രത്തിനായി വ്യത്യസ്തമായ ഈണം പകർന്നിരിക്കുന്നത് അരുൺ രാജ് ആണ്. എഡിറ്റിംഗ് ചെയ്തത് നിതിൻ ഭരതനും കോസ്റ്റ്യുമ്സ് ചെയ്തത് ഐശ്വര്യ ലാലുവുമാണ്. കൂടാതെ മേക്കപ്പ് അഖില മോഹനും പ്രൊ കൺട്രോളർ റാം മനോഹറുമാണ്.