ലോക്‌സഭാ തിരഞ്ഞെടുപ്പിന് പ്രത്യേക പോളിങ് ബൂത്തുകളും
ലോക്‌സഭാ തിരഞ്ഞെടുപ്പില്‍ തൃശൂര്‍ ജില്ലയില്‍ മാതൃകാ പോളിങ് ബൂത്തുകള്‍ക്ക് പുറമെ പ്രത്യേക ബൂത്തുകളും സജ്ജമാക്കും. തിരഞ്ഞെടുപ്പിന്റെ കമ്മീഷന്റെ നിര്‍ദേശാനുസരണം ജില്ലയില്‍ രണ്ട് ലെപ്രസി ബൂത്തുകള്‍, മൂന്ന് ട്രൈബല്‍ ബൂത്തുകള്‍, ഒന്നു വീതം ഫോറസ്റ്റ്, കോസ്റ്റല്‍ ബൂത്തുകളാണ് സജ്ജീകരിക്കുക. തൃശൂര്‍ ലോക്‌സഭാ മണ്ഡലത്തിലെ ഒല്ലൂര്‍ നിയോജക മണ്ഡലത്തില്‍ മുളയം ദാമിയന്‍ ഇന്‍സ്റ്റിട്ട്യൂട്ടും ചാലക്കുടി പാര്‍ലമെന്റ് മണ്ഡലത്തില്‍ ചാലക്കുടി നിയോജക മണ്ഡലത്തില്‍ കൊരട്ടി ലെപ്രസി ആശുപത്രിയിലെ കുമ്പീസ് മെമ്മോറിയല്‍ ഹാളിലുമാണ് ലെപ്രസി രോഗികളായ വോട്ടര്‍മാര്‍ക്കായി പോളിങ് ബൂത്ത് ഒരുക്കുക. ഇവിടങ്ങളില്‍ യഥാക്രമം 70, 310 എന്നിങ്ങനെയാണ് വോട്ടര്‍മാരുടെ എണ്ണം. ആരോഗ്യ വിഭാഗത്തിലെ ജീവനക്കാരെയാണ് പോളിങ് ഡ്യൂട്ടിക്കായി നിയോഗിക്കുക.
ആലത്തൂരിലെ വടക്കാഞ്ചേരി മണ്ഡലത്തില്‍ വാഴാനി ഇറിഗേഷന്‍ ഓഫീസ്, തൃശൂരിലെ പുതുക്കാട് മണ്ഡലത്തില്‍ ചൊക്കന ഫാക്ടറീസ് റിക്രീയേഷന്‍ ക്ലബ്്, ചാലക്കുടി മണ്ഡലത്തില്‍ വാച്ചുമരം ഫോറസ്റ്റ് സ്‌റ്റേഷന്‍ എന്നിവിടങ്ങളാണ് ട്രൈബല്‍ ബൂത്തുകള്‍. യഥാക്രമം 1041, 710, 308 വോട്ടര്‍മാരാണ് ഇവിടെയുള്ളത്. ചാലക്കുടി ലോക്‌സഭാ മണ്ഡലത്തില്‍ കൈപമംഗലത്താണ് 839 വോട്ടര്‍മാര്‍ക്കായി അഴീക്കോട് മുനയ്ക്കല്‍ സുനാമി ഷെല്‍ട്ടറില്‍ കോസ്റ്റല്‍ ബൂത്ത് പ്രവര്‍ത്തിക്കുക. എല്ലാ വിഭാഗം ആളുകളുടെയും വോട്ടവകാശം സംരക്ഷിക്കുക ലക്ഷ്യമിട്ടാണ് പ്രത്യേക പോളിങ് ബൂത്തുകള്‍ ഒരുക്കുന്നത്.
15 ബൂത്തുകള്‍ സ്ത്രീകള്‍ നിയന്ത്രിക്കും
ജില്ലയില്‍ 15 ബൂത്തുകള്‍ സ്ത്രീകള്‍ മാത്രം നിയന്ത്രിക്കും. സുരക്ഷാ ഉദ്യോഗസ്ഥരടക്കം എല്ലാ പോളിങ് ഉദ്യോഗസ്ഥരും വനിതകളായിരിക്കും. ആലത്തൂര്‍ -മൂന്ന്, തൃശൂര്‍- ഏഴ്, ചാലക്കുടി- അഞ്ച് എന്നിങ്ങനെ 15 ബൂത്തുകളാണ് പൂര്‍ണമായും വനിതകള്‍ നിയന്ത്രിക്കുന്നത്.
ജില്ലയില്‍ ഒരു ബൂത്ത് വീതം നിയന്ത്രിക്കുന്നത് യുവാക്കളും ഭിന്നശേഷിക്കാരും
ജില്ലയില്‍ ഒരു ബൂത്ത് യുവാക്കളായ പോളിങ് ഓഫീസര്‍മാര്‍ നിയന്ത്രിക്കും. ഒല്ലൂര്‍ നിയോജക മണ്ഡലത്തിലെ മുല്ലക്കര എ ബ്ലോക്ക്- ഡോണ്‍ ബോസ്‌കോ ഹൈസ്‌കൂളിലാണ് 30 വയസിനു താഴെയുള്ള ഉദ്യോഗസ്ഥര്‍ പോളിങ് ജോലികള്‍ നിര്‍വഹിക്കുക.
ജില്ലയില്‍ ഒരു ബൂത്തില്‍ ഭിന്നശേഷിക്കാരായ ഉദ്യോഗസ്ഥര്‍ പോളിങ് ഡ്യൂട്ടി നിര്‍വഹിക്കും. തൃശൂര്‍ നിയോജകമണ്ഡലത്തിലെ വിയ്യൂര്‍ ഐ.എസ്.ടി.ഇയിലാണിത്.
ജില്ലയില്‍ 495 മാതൃക ബൂത്തുകള്‍
ജില്ലയില്‍ സ്ത്രീ, യുവ, ഭിന്നശേഷി വിഭാഗക്കാര്‍ നിയന്ത്രിക്കുന്ന പോളിങ് ബൂത്തുകള്‍ ഉള്‍പ്പെടെ 495 മാതൃക ബൂത്തുകള്‍ ഒരുക്കും. വോട്ടര്‍മാര്‍ക്ക് പോളിങ് ബൂത്തുകളുടെ സ്ഥാനം, ലഭ്യമായ സൗകര്യങ്ങള്‍, വോട്ടര്‍ അസിസ്റ്റന്‍സ് ബൂത്ത് എന്നിവയെക്കുറിച്ച് മാര്‍ഗനിര്‍ദ്ദേശം നല്‍കുന്നതിന് ശരിയായ അടയാളങ്ങള്‍ സ്ഥാപിക്കും. പൂര്‍ണമായും ഹരിതച്ചട്ടം പാലിക്കും. പ്രത്യേകം ശൗചാലയങ്ങളും ഒരുക്കും. ആവശ്യത്തിന് കുടിവെള്ളം സജ്ജമാക്കും. വയോജനങ്ങള്‍ക്കും ഭിന്നശേഷിക്കാര്‍ക്കും റാമ്പ് സൗകര്യം ഉറപ്പാക്കും.
Related News
കഴുത്തിൽ ഷാൾ ഇട്ട് മുറുക്കി, വായിൽ തുണി തിരുകി; കുഞ്ഞിനെ കൊന്നത് ശ്വാസം മുട്ടിച്ചെന്ന് മൊഴി
ഇറാന്‍ പിടിച്ചെടുത്ത കപ്പലിലെ മലയാളികള്‍ ഉള്‍പ്പെടെ എല്ലാ ജീവനക്കാരെയും വിട്ടയച്ചു
ഷാഫി പറമ്പില്‍ കേരളം കണ്ട ഏറ്റവും വലിയ രാഷ്ട്രീയ വിഷം: എ എ റഹീം
തലയോട്ടി പൊട്ടിയത് മരണകാരണം, വാഹനം കയറിയിറങ്ങി; നവജാത ശിശുവിന്റെ പോസ്റ്റുമോര്‍ട്ടം റിപ്പോര്‍ട്ട്
കുഞ്ഞിന്റെ അമ്മ പീഡനത്തിനിരയായെന്ന് മൊഴി; കൊലപാതക കുറ്റം സമ്മതിച്ചു; രക്ഷിതാക്കൾക്ക് പങ്കില്ലെന്ന് നിഗമനം