മസാല ബോണ്ട്; നിയമസഭയിൽ ചർച്ചക്ക് തയ്യാറെന്നു സർക്കാർ
തിരുവനന്തപുരം : കിഫ്ബി പദ്ധതികൾക്ക് പണം സ്വരൂപിക്കുന്നതിനായി സംസ്ഥാന സര്ക്കാര് ഇറക്കുന്ന മസാല ബോണ്ടുകൾ സംബന്ധിച്ച് നിയമസഭ ചർച്ച ചെയ്യും. മസാല ബോണ്ടുകൾ അധിക സാമ്പത്തിക ബാധ്യതക്ക് ഇടയാക്കും ആരോപണം ഉയരുന്ന സാഹചര്യത്തിലാണ് നിയമസഭയിൽ പ്രത്യേക ചർച്ചക്ക് സർക്കാർ തയ്യാറാവുന്നത്.
എന്താണ് മസാല ബോണ്ടുകൾ
രാജ്യാന്തര വിപണിയില് ഇന്ത്യന് രൂപയില് തന്നെ ബോണ്ട് ഇറക്കി പണം സമാഹരിക്കുന്നതാണ് മസാല ബോണ്ടുകള്. രൂപയില് ബോണ്ട് ഇറക്കുന്നതിനാല് പണം സ്വീകരിക്കുന്നവരെ വിനിമയ നിരക്കിലെ വ്യത്യാസം ബാധിക്കില്ല. ഇത് വഴി 2150 കോടി രൂപ സമാഹരിക്കുകയും ചെയ്തിട്ടുണ്ട്.