രാജ്യത്ത് ലോക്ക്ഡൗണ് തുടരുമെന്ന് പ്രധാനമന്ത്രി; നാലാംഘട്ടം പുതിയ നിയമങ്ങള് അനുസരിച്ച്
ന്യൂഡല്ഹി: കോവിഡ് വ്യാപനത്തിന്റെ പശ്ചാത്തലത്തില് രാജ്യത്ത് ലോക്ക്ഡൗണ് തുടരുമെന്ന് പ്രധാനമന്ത്രി നരേന്ദ്രമോദി പറഞ്ഞു. സംസ്ഥാനങ്ങളുടെ നിര്ദേശമനുസരിച്ചാണ് തീരുമാനമെന്ന് മോദി പറഞ്ഞു. ലോക്ക്ഡൗണ് വിശദാംശങ്ങള് മെയ് പതിനെട്ടിന് മുന്പ് പ്രഖ്യാപിക്കും. രാജ്യത്തെ അഭിസംബോധന ചെയ്യുകയായിരുന്നു മോദി. ആറ് സംസ്ഥാനങ്ങള് ലോക്ക്ഡൗണ് നീട്ടണമെന്ന് പ്രധാനമന്ത്രിയോട് ആവശ്യപ്പെട്ടിരുന്നു.
കോവിഡ് പ്രതിസന്ധി മറികടക്കാന് 20 ലക്ഷം കോടിയുടെ പാക്കേജ് പ്രഖ്യാപിച്ച് പ്രധാനമന്ത്രി നരേന്ദ്രമോദി. രാജ്യത്തിന്റെ മൊത്തം ആഭ്യന്തര ഉത്പാദനത്തിന്റെ പത്ത് ശതമാനം വരും ഈ തുക. ഇന്ത്യയെ സ്വയം പര്യാപ്തമാക്കാനുള്ള പദ്ധതിയുടെ അടിസ്ഥാനമാകും ഇതെന്നും പ്രധാനമന്ത്രി പറഞ്ഞു.