രാജ്യത്ത് സവാളവില കുതിച്ചുയരുന്നു
രാജ്യത്ത് സവാളവില കുതിച്ചുയരുന്നു. ഡല്ഹി, മുംബൈ തുടങ്ങി മിക്ക നഗരങ്ങളിലും കിലോഗ്രാമിനു നൂറ് രൂപ വരെ വില രേഖപ്പെടുത്തി. കഴിഞ്ഞ ഒരാഴ്ചയ്ക്കിടെയാണ് വില ഇരട്ടിയിലധികമായി ഉയര്ന്നത്. മഴക്കെടുതി മൂലം വിള നശിച്ചതാണ് വിലക്കയറ്റത്തിന് ഇടയാക്കിത്.
മഹാരാഷ്ട്രയിലെ ലാസല്ഗാവില് കഴിഞ്ഞ മാസം ഒരു ക്വിന്റലിനു 4,801 രൂപയായിരുന്നു വില. ഇപ്പോള് 7,050 രൂപയായി. 12,000 മുതല് 15,000 വരെ ക്വിന്റല് ഉണ്ടായിരുന്നിടത്ത് ഇപ്പോള് 4000 ക്വിന്റല് മാത്രമാണ് സ്റ്റോക്കുള്ളത്.ബംഗളൂരുവില് ഒരു ദിവസംകൊണ്ട് 47 രൂപ വില ഉയര്ന്നപ്പോള് പുതുച്ചേരിയില് 45 രൂപയാണു കൂടിയത്.