അമിത് ഷാ മന്ത്രിസഭയിലേക്ക്

News Desk

25 May 2019 12:00 AM

ദില്ലി: മന്ത്രിസഭാ രൂപവത്കരണ നീക്കങ്ങൾ ബി.ജെ.പി. തുടങ്ങി. ഇതിനുള്ള ചർച്ചകൾ പ്രധാനമന്ത്രി നരേന്ദ്രമോദിയുടെയും പാർട്ടിയധ്യക്ഷൻ അമിത്ഷായുടെയും നേതൃത്വത്തിൽ ഡൽഹിയിൽ തുടങ്ങി. അധ്യക്ഷ പദവിയിൽ കാലാവധി പൂർത്തിയാക്കിയ അമിത് ഷാ പ്രധാനവകുപ്പോടെ മന്ത്രിസഭയിൽ രണ്ടാമനായേക്കും എന്നാണ് ലഭിക്കുന്ന വിവരങ്ങൾ.

വളരെ പ്രധാനപ്പെട്ട വകുപ്പായ ആഭ്യന്തര വകുപ്പ് അമിത് ഷാ ഏറ്റെടുത്തേക്കും എന്നാണ് അറിയുന്നത്.രാജ്‌നാഥ് സിംഗിനെ പ്രതിരോധ വകുപ്പിലേക്ക് മാറിയേക്കും.സുഷമ സ്വരാജ് ഇത്തവണ മത്സരിച്ചിരുന്നില്ല.അതുകൊണ്ട് തന്നെ നിർമ്മല സീതാരാമൻ വിദേശകാര്യം ഏറ്റെടുക്കാനും സാധ്യതയുണ്ട്.അരുൺ ജെയ്റ്റ്‌ലിയും മന്തിസഭയിൽ നിന്നും പിന്മാറി നിൽക്കാനാണ് സാധ്യത.

നിതിൻ ഗഡ്കരി, പ്രകാശ് ജാവഡേക്കർ, ധർമേന്ദ്ര പ്രധാൻ, ജെ.പി. നഡ്ഡ, നരേന്ദ്ര സിങ് തോമർ‍, രാജ്യവർധൻ റാത്തോഡ്, ജയന്ത് സിൻഹ എന്നിവർ പുതിയ മന്ത്രിസഭയിലും തുടരും.അമേഠിയിൽ രാഹുലിനെ വീഴ്ത്തിയ സ്‌മൃതി ഇറാനിക്ക് സ്പീക്കർ പദവി നൽകാനുള്ള സാധ്യത കാണുന്നു.

ബംഗാൾ,ഒഡിഷ,തെലങ്കാന എന്നിവിടങ്ങളിൽ നിന്നും മന്തിമാർ ഉണ്ടായേക്കും.കേരളത്തിൽ നിന്നും അൽഫോൻസ് കണ്ണന്താനത്തെ കൂടാതെ വി മുരളീധരനും മന്ത്രിസഭയിൽ ഇടംപിടിച്ചേക്കും.