കാലാവസ്ഥ മോശം; പോളിങ് ശതമാനത്തില് വന് കുറവ് -മുന്നണികള് ആശങ്കയില്
സംസ്ഥാനത്ത് പരക്കെ പെയ്യുന്ന കനത്ത മഴയും വെള്ളക്കെട്ടും കാരണം തിരഞ്ഞെടുപ്പ് ആരംഭിച്ച ആദ്യ അഞ്ച് മണിക്കൂറില് എല്ലാ മണ്ഡലങ്ങളിലെയും പോളിങ് ശതമാനത്തില് വന് കുറവ് . അഞ്ച് മണിക്കൂര് പിന്നിട്ട് 12 മണി ആയപ്പോള് 30 ശതമാനത്തില് താഴെയാണ് പോളിങ് രേഖപ്പെടുത്തിയിരിക്കുന്നത്. മഴ മാറി നില്ക്കുന്ന മഞ്ചേശ്വരത്ത് മാത്രമാണ് കുറച്ച് ആശ്വാസകരമായ പോളിങ് ശതമാനം ഉള്ളത്. 28 ശതമാനമാണ് പോളിങ്. കനത്ത മഴ തുടരുന്ന എറണാകുളത്താണ് ഏറ്റവും കുറവ്. ഇവിടെ 14 ശതമാനം മാത്രമാണ് പോളിങ്. ഉച്ചയ്ക്ക് ശേഷം കനത്ത ഇടിയോട് കൂടിയ മഴ പെയ്യുമെന്ന കാലാവസ്ഥ നിരീക്ഷണ കേന്ദ്രത്തിന്റെ മുന്നിറിയിപ്പിനെ തുടര്ന്ന് കടുത്ത ഗൗരവത്തോടെയാണ് പാര്ട്ടികളും സ്ഥാനാര്ത്ഥികളും വോട്ടെടുപ്പിനെ കാണുന്നത്. ഈ സാഹചര്യത്തില് തിരഞ്ഞെടുപ്പ് മാറ്റി വെക്കണമെന്ന ആവശ്യവും ശക്തമാണ്.