അത്‌ലറ്റിക് മീറ്റിനിടെ ഹാമര്‍ തലയില്‍ വീണ് പരിക്കേറ്റ വിദ്യാര്‍ത്ഥി മരിച്ചു
കോട്ടയം: സ്കൂള് മീറ്റിനിടെ ഹാമര്‍ തലയ്ക്ക് വീണ് ഗുരുതരമായി പരിക്കേറ്റ വിദ്യാര്‍ത്ഥി മരിച്ചു. ജാവലിന്‍ ത്രോ മത്സര വിഭാഗത്തിലെ വോളന്റിയറും പാലാ സെന്റ് തോമസ് ഹയര്‍ സെക്കന്‍ഡറി സ്കൂള് വിദ്യാര്‍ത്ഥിയുമായ മേലുകാവ് ചൊവ്വൂര്‍ കുരിഞ്ഞംകുളത്ത് ജോണ്‍സണ്‍ ജോര്‍ജിന്റെ മകന്‍ അഫീല്‍ ജോണ്‍സണ്‍ ആണ് മരിച്ചത്. അല്‍പ സമയം മുമ്ബാണ് വിദ്യാര്‍ത്ഥിയുടെ മരണം സ്ഥിരീകരിച്ചത്.
ഒക്ടോബര്‍ നാലിനാണ് പരിക്കേറ്റത്. സംസ്ഥാന ജൂനിയര്‍ അത്‌ലറ്റിക് മീറ്റില്‍ അടുത്തടുത്തായി ഒരേ സമയം നടത്തിയ ജാവലിന്‍ -ഹാമര്‍ ത്രോ മത്സരങ്ങള്‍ക്കിടെ, ഹാമര്‍ തലയില്‍ പതിച്ചാണ് പ്ളസ് വണ്‍ വിദ്യാര്‍ത്ഥിക്ക് ഗുരുതരമായി പരിക്കേറ്റത്. മത്സരാര്‍ത്ഥി എറിഞ്ഞ ജാവലിന്‍ എടുക്കാനായി ഗ്രൗണ്ടിലേക്ക് അഫീല്‍ നീങ്ങുമ്ബോഴായിരുന്നു അപകടം സംഭവിച്ചത്. ഈ സമയം 18 വയസിന് താഴെയുള്ള പെണ്‍കുട്ടികളുടെ ഹാമര്‍ ത്രോ മത്സരവും നടക്കുകയായിരുന്നു. മൂന്നു കിലോയുള്ള ഹാമര്‍ 35 മീറ്റര്‍ അകലെ നിന്ന് അഫീലിന്റെ ഇടതു കണ്ണിന്റെ മുകള്‍ ഭാഗത്ത് നെറ്റിയില്‍ പതിച്ചു. ഹാമര്‍ പറന്ന് വരുന്നത് കണ്ടെങ്കിലും അഫീലിന് ഒഴിഞ്ഞ് മാറാനായില്ല.
Related News
കോവിഡ് മരണക്കണക്ക് മറച്ചുവെച്ചിട്ടില്ലെന്ന് ആരോഗ്യ മന്ത്രി
കൊവിഡ് ബാധിച്ച് മരിച്ചവരുടെ മൃതദേഹം വീട്ടില് കൊണ്ടുപോകാനും കാണാനും അനുമതി
കോവിഡ് മൂലമുണ്ടായ മരണങ്ങള്ക്ക് നാല് ലക്ഷം നഷ്ടപരിഹാരം നല്കാനാവില്ല
വാക്സിന് പാര്ശ്വഫലങ്ങളെ തുടര്ന്ന് രാജ്യത്ത് ആദ്യ മരണം; സ്ഥിരീകരിച്ച് കേന്ദ്രസര്ക്കാര്