കോവിഡിന്റെ രണ്ടാം തരംഗത്തില്‍ രാജ്യത്ത് 646 ഡോക്ടര്‍മാര്‍ മരിച്ചതായി ഐഎംഎ

Ajith.A

05 June 2021 08:01 PM

ന്യൂഡല്‍ഹി: രാജ്യത്ത് ആഞ്ഞടിച്ച കോവിഡ് രണ്ടാം തരംഗത്തില്‍ 646 ഡോക്ടര്‍മാര്‍ക്ക് ജീവന്‍ നഷ്ടമായതായി ഇന്ത്യന്‍ മെഡിക്കല്‍ അസോസിയേഷന്‍ (ഐഎംഎ) അറിയിച്ചു. ഐഎംഎ പുറത്ത് വിട്ട കണക്കുകള്‍ പ്രകാരം ഏറ്റവും കൂടുതല്‍ മരണ നിരക്ക് രാജ്യതലസ്ഥമായ ഡല്‍ഹിയിലാണ്. 109 ഡോക്ടര്‍മാരാണ് ഇവിടെ മരിച്ചത്. ബിഹാറില്‍ 97 ഡോക്ടര്‍മാര്‍ കോവിഡ് ബാധിച്ച്‌ മരിച്ചു. ഉത്തര്‍പ്രദേശില്‍ 79 ഡോക്ടര്‍മാരുടെയും രാജസ്ഥാനില്‍ 43 ഡോക്ടര്‍മാരുടെയും ജീവന്‍ കോവിഡ് കവര്‍ന്നു. മഹാരാഷ്ട്രയില്‍ 23 ഡോക്ടര്‍മാരും കര്‍ണാടകയില്‍ ഒമ്ബത് ഡോക്ടര്‍മാരും കോവിഡ് ബാധിച്ച്‌ മരിച്ചു. ഐഎംഎയുടെ കണക്കുകള്‍ പ്രകാരം കോവിഡ് ഒന്നാംതരംഗത്തില്‍ രാജ്യത്തുടനീളം 748 ഡോക്ടര്‍മാരുടെ ജീവനാണ് നഷ്ടമായത്.