കേരള അതിര്‍ത്തികളില്‍ കുടുങ്ങി നൂറുകണക്കിന് മലയാളികള്‍
പാലക്കാട്: വാളയാര്‍ ചെക്ക് പോസ്റ്റില്‍ മറ്റു സംസ്ഥാനങ്ങളില്‍ നിന്ന് നാട്ടിലേക്ക് മടങ്ങുന്ന നിരവധി മലയാളികള്‍ കുടുങ്ങിക്കിടക്കുന്നു. മണിക്കൂറുകളായി നൂറ് കണക്കിനാളുകളാണ് കുടുങ്ങിക്കിടക്കുന്നത്. നിയന്ത്രണം ശക്തമാക്കിയതോടെ പാസ് ഇല്ലാതെ വരുന്നവരെ കടത്തിവിടേണ്ടെന്നാണ് സര്‍ക്കാര്‍ തീരുമാനം.
ഇനി പാസ് കിട്ടില്ലെന്ന് ഭയന്ന് വരുന്നവരാണ് ഇത്തരക്കാരില്‍ അധികവും. തിരിച്ച്‌ തമിഴ്‌നാട്ടിലേക്ക് പോകാനും സാധിക്കുന്നില്ല. ചിലരെ നേരത്തെ തമിഴ്നാട് അതിര്‍ത്തിയില്‍ പൊലീസ് വിരട്ടിയോടിച്ചു. ഇപ്പോള്‍ മന്ത്രി എ.കെ ബാലന്റെയും ജില്ലാ കളക്ടറുടെയും നേതൃത്വത്തില്‍ പ്രശ്ന പരിഹാരത്തിന് ശ്രമം നടക്കുന്നുണ്ട്.
അതേസമയം, പാസ് ഇല്ലാതെ അതിര്‍ത്തിയിലെത്തിയവരെ കേരളത്തിലേക്ക് കടത്തില്ലെന്ന് വയനാട് ജില്ലാ കളക്ടര്‍ ആവര്‍ത്തിച്ചു. പാസ് ഇല്ലാത്തവരെ അതിര്‍ത്തിയായ മൂലഹള്ളിയില്‍ തടയുമെന്നും ജില്ലാ ഭരണകൂടം വ്യക്തമാക്കി. അതിര്‍ത്തിയില്‍ വന്ന് സമ്മര്‍ദ്ദം ചെലുത്തിയാല്‍ വിട്ടയക്കുമെന്ന് കരുത്തേണ്ടെന്ന് മന്ത്രി എ കെ ബാലനും അറിയിച്ചു. കാസര്‍ഗോഡ് അതിര്‍ത്തിയിലും നിരവധിപേര്‍ കുടുങ്ങി കിടക്കുന്നുണ്ട്.
Related News
പ്രഖ്യാപിച്ചത് വന് ഇളവുകള്, കടകള് രാത്രി ഒന്പതുവരെ തുറക്കാം , കല്യാണത്തിനും മരണത്തിനും ഇരുപതുപേര് മാത്രം
കൊവിഡ്: കേരളം രാജ്യത്തിന് മാതൃക; പ്രതിദിന കേസില് ആശങ്ക വേണ്ടെന്ന് മിഷിഗണ് യൂണിവേഴ്സിറ്റി പ്രൊഫസര് ഭ്രമർ മുഖർജി
ലോക ചാമ്പ്യനെ വീഴ്ത്തി ഒന്നാമത്; ചരിത്രം സൃഷ്ടിച്ച് പ്രഗ്നാനന്ദ
ആലപ്പുഴയിൽ 545 പേർക്ക് കോവിഡ്