ഊര്‍ജ്ജിത വാക്സിനേഷന് ഡ്രൈവ് 7, 8 തീയതികളില്‍
കാസർഗോഡ്: ഊര്‍ജജിത കോവിഡ് വാക്സിനേഷന് ഡ്രൈവിന്റെ ഭാഗമായി സെപ്റ്റംബര്‍ എഴ്, എട്ട് തീയതികളില്‍ ജില്ലയിലെ മുഴുവന്‍ ആരോഗ്യ സ്ഥാപനങ്ങളിലും വാക്സിനേഷന് നല്‍കുന്നതിനായി സൗകര്യമൊരുക്കിയിട്ടുണ്ടെന്ന് ജില്ലാ മെഡിക്കല്‍ ഓഫീസര്‍ ഡോ.രാജന്‍ കെ.ആര്‍ അറിയിച്ചു. സ്‌പോട്ട് രജിസ്‌ട്രേഷന്‍ വഴിയും ഓണ്‍ലൈന്‍ അലോട്‌മെന്റ് മുഖേനയും വാക്‌സിന്‍ നല്‍കും.
പൊതുജനങ്ങളുമായി നിരന്തരമായി സമ്പര്‍ക്കത്തിലേര്‍പ്പെടാന്‍ സാധ്യതയുള്ള തൊഴിലാളികള്‍, 18 വയസ്സിന് മുകളിലുള്ള വിദ്യാര്‍ത്ഥികള്‍, അതിഥി തൊഴിലാളികള്‍, നിര്‍മ്മാണ തൊഴിലാളികള്‍, പട്ടിക വര്‍ഗ വിഭാഗക്കാര്‍, 18 വയസ്സിന് മുകളിലുള്ള ഗുരുതര രോഗ ബാധിതര്‍, അധ്യാപകര്‍, അധ്യാപകരുടെ വീട്ടില്‍ താമസിക്കുന്ന കുടുംബാംഗങ്ങള്‍ എന്നിവര്‍ക്ക് മുന്‍ഗണനയുണ്ട്.
വാക്സിനേഷന് ലഭിക്കുന്നതിനായുള്ള ഓണ്‍ലൈന്‍ അലോട്ട്‌മെന്റ് സെപ്തംബര്‍ ആറ്, ഏഴ് തീയതികളില്‍ വൈകീട്ട് നാല് മുതല്‍ ലഭ്യമാകും. ഓണ്‍ലൈന്‍ വഴി വാക്സിനേഷന് ലഭിക്കുന്നതിനായി cowin.gov.in വെബ്‌സൈറ്റ് സന്ദര്‍ശിച്ച് വാക്സിനേഷന് വേണ്ടിയുള്ള അലോട്ട്‌മെന്റ് ബുക്ക് ചെയ്യേണ്ടതാണ്. സ്‌പോട്ട് അഡ്മിഷന്‍ വഴി വാക്സിനേഷന് ലഭിക്കുന്നതിനായി ആരോഗ്യ പ്രവര്‍ത്തകരെയോ ആശ പ്രവര്‍ത്തകരെയോ ബന്ധപ്പെടണം. കൂടുതല്‍ വിവരങ്ങള്‍ക്ക് 9061078 026
Related News
കൊല്‍ക്കത്ത നൈറ്റ് റൈഡേഴ്‌സ് ഫൈനലില്‍! സണ്‍റൈസേഴ്‌സ് ഹൈദരാബാദിനെ തകര്‍ത്തത് എട്ട് വിക്കറ്റിന്
ഇന്നും നാളെയും അതിതീവ്ര മഴ തുടരും; എട്ട് ജില്ലകളിൽ ഓറഞ്ച് അലേർട്ട്
'ചാന്‍സലര്‍ക്ക് അനിയന്ത്രിതമായ അധികാരങ്ങളില്ല'; കേരള സർവ്വകലാശാല സെനറ്റിൽ എബിവിപി പ്രവർത്തകരെ നാമനിർദ്ദേശം ചെയ്ത ഗവർണറുടെ നടപടി റദ്ദാക്കി; ഗവര്‍ണര്‍ക്ക് ഹൈക്കോടതിയുടെ വിമര്‍ശനം
നഴ്‌സിങ് പ്രവേശന പ്രതിസന്ധി ഉടൻ പരിഹരിക്കണം; മുഖ്യമന്ത്രിക്ക് പ്രതിപക്ഷ നേതാവിന്റെ കത്ത്
