ക്ലൗഡ് സീഡിങ് ദൗത്യം ഫലം കണ്ടില്ല; ഡല്‍ഹിയില്‍ കൃത്രിമ മഴ പെയ്തില്ല

News Desk

29 October 2025 02:33 PM

ഡല്‍ഹിയിലെ വായുമലിനീകരണം നിയന്ത്രിക്കാന്‍ കൃത്രിമ മഴയ്ക്കായി ആരംഭിച്ച ക്ലൗഡ് സീഡിങ് ദൗത്യം ഫലം കണ്ടില്ല. ഇന്നലെ ഉച്ചയോടെ ക്ലൗഡ് സീഡിങ് നടത്തിയെങ്കിലും മഴ പെയ്യിക്കാനായില്ല. മേഘങ്ങളിലെ ഈര്‍പ്പത്തിന്റെ അംശം 20 ശതമാനത്തില്‍ താഴെയായതിനാലാണ് കൃത്രിമ മഴ പെയ്യിക്കാന്‍ കഴിയാത്തത് എന്നാണ് ഐഐടി കാണ്‍പൂരിന്റെ വിശദീകരണം. ഇന്ന് നടത്താനിരുന്ന ക്ലൗഡ് സീഡിങ് ദൗത്യവും നിര്‍ത്തിവച്ചു. അന്തരീക്ഷത്തിലെ അനുകൂല സാഹചര്യ കടക്കിലെടുത്തായിരിക്കും ദൗത്യം നടത്തുക. ഒരു ക്ലൗഡ് സീഡിങ്ങിന് 64 ലക്ഷം രൂപയാണ് ചിലവ്.

ഡല്‍ഹിയില്‍ ഇന്നും വായു മലിനീകരണം രൂക്ഷമായി തുടരുന്നു. പലയിടങ്ങളിലും 300ന് മുകളിലാണ് വായു ഗുണനിലവാര സൂചിക മലിനീകരണത്തോത് രേഖപ്പെടുത്തിയത്. ജനങ്ങളുടെ നികുതിപ്പണം ഉപയോഗിച്ച് ബിജെപി സര്‍ക്കാര്‍ സര്‍ക്കസ് നടത്തിയെന്ന് ആം ആദ്മി പാര്‍ട്ടി പരിഹസിച്ചു.

കൃത്രിമ മഴയ്ക്കായി ക്ലൗഡ് സീഡിംഗ് ദൗത്യം ലക്ഷ്യം കാണാതെ മലിനീകരണ തോത് കുറയ്ക്കാന്‍ ആകില്ല എന്നാണ് വിലയിരുത്തല്‍.