ക്രിസ് ഗെയില് വിന്ഡീസ് ലോകകപ്പ് ടീം ഉപനായകന്; ആവേശത്തോടെ ആരാധകര്
ലോകകപ്പ് മത്സരങ്ങള് തുടങ്ങാന് ദിവസങ്ങള് മാത്രം ബാക്കിനില്ക്കെ നിര്ണായക തീരുമാനവുമായി വിന്ഡീസ് ക്രിക്കറ്റ് ബോര്ഡ്. വെടിക്കെട്ട് ബാറ്റ്സ്മാന് ക്രിസ് ഗെയിലിനെ ഉപനായകനായി പ്രഖ്യാപിച്ചതോടെ ആരാധകരും ആവേശത്തിലായിരിക്കുകയാണ്.
വിന്ഡീസ് ക്രിക്കറ്റ് ബോര്ഡുമായി തര്ക്കത്തിലായിരുന്ന ഗെയില് ഏറെ നാളായി ടീമില് നിന്ന് വിട്ടുനില്ക്കുകയായിരുന്നു. ടീമില് നിന്ന് ഒഴിവാക്കപ്പെട്ടിരുന്ന ഗെയിലിന്റെ തിരിച്ചുവരവ് ടീമിന് കരുത്താകും. പുതിയ തീരുമാനം ലോകകപ്പ് മത്സരങ്ങളില് പ്രതിഫലിക്കുമെന്നാണ് ബോര്ഡിന്റേയും വിയിരുത്തല്.
തനിക്ക് ലഭിച്ച സ്ഥാനത്തില് അതിയായ സന്തോഷമുണ്ടെന്നും ഇതൊരു മഹത്തായ കാര്യമായി കരുതുന്നുവെന്നും നായകനെ പിന്തുണക്കുന്ന ദൗത്യം ആവേത്തോടെ ഏറ്റെടുക്കുന്നുവെന്നും ക്രിസ് ഗെയില് പറഞ്ഞു. 2010ലാണ് ഗെയില് അവസാനമായി ടീമിന്റെ നായകനായത്.