ഐപിഎല് പെരുമാറ്റചട്ടം ലംഘിച്ചു: പഞ്ചാബ് താരം ക്രിസ് ഗെയ്ലിന് പിഴശിക്ഷ
ദുബായ്: ഐപിഎല് പെരുമാറ്റചട്ടം ലംഘിച്ചതിന് കിംഗ്സ് ഇലവന് പഞ്ചാബ് താരം ക്രിസ് ഗെയ്ലിന് പിഴശിക്ഷ വിധിച്ചു. രാജസ്ഥാന് റോയല്സിനെതിരായ മത്സരത്തില് 99 റണ്സിന് പുറത്തായതിന് പിന്നാലെ ഗെയ്ല് ബാറ്റു നിലത്തടിക്കുന്നതിനിടെ കൈയില് നിന്നും വഴുതി പോവുകയായിരുന്നു. മോശം പെരുമാറ്റത്തിന്റെ പേരില് മാച്ച് ഫീസിന്റെ 10 ശതമാനമാണ് താരത്തിന് പുഴ ചുമത്തിയത്.
തെറ്റ് സമ്മതിച്ച ഗെയ്ല് ശിക്ഷ സ്വീകരിക്കാന് തയാറാണെന്ന് അറിയിച്ചു. കിംഗ്സ് ഇലവന്റെ ബാറ്റിംഗിനിടെ അവസാന ഓവറിലാണ് സംഭവം. 99 റണ്സില് നില്ക്കേ രാജസ്ഥാന് താരം ജോഫ്ര ആര്ച്ചറുടെ പന്തില് ഗെയ്ല് ബൗള്ഡാവുകയായിരുന്നു. പിന്നാലെയാണ് ഗെയ്ലിന്റെ നിയന്ത്രണം വിട്ട പെരുമാറ്റമുണ്ടായത്.