കാസര്കോട് കലക്ടറുടെ ആദ്യ പരിശോധന ഫലം നെഗറ്റീവ്
കാസര്കോട്: ക്വാറന്റീനില് കഴിയുന്ന ജില്ല കലക്ടര് ഡോ. ഡി. സജിത് ബാബുവിന്റെ ആദ്യ സ്രവ പരിശോധന ഫലം നെഗറ്റീവ്. കോവിഡ് പ്രതിരോധ പ്രവര്ത്തനങ്ങള്ക്ക് ജില്ലയില് നേതൃത്വം നല്കുന്ന കലക്ടര് കഴിഞ്ഞ ദിവസമാണ് ക്വാറന്റീനില് പ്രവേശിച്ചത്. ഇന്നലെ കോവിഡ് സ്ഥിരീകരിച്ച ദൃശ്യ മാധ്യമപ്രവര്ത്തകന് കലക്ടറുമായി നേരത്തെ അഭിമുഖം നടത്തിയിരുന്നു. ഇതിനെ തുടര്ന്നാണ് കലക്ടര് ക്വാറന്റീനില് കഴിയുന്നത്.
കലക്ടറെ കൂടാതെ ഐ.ജിമാരായ അശോക് യാദവ്, വിജയ് സാക്കറെ എന്നിവരും ക്വാറന്റീനില് പ്രവേശിച്ചിട്ടുണ്ട്. ജില്ലയില് കോവിഡ് ബാധിച്ച ദൃശ്യമാധ്യമപ്രവര്ത്തകനുമായി സമ്പര്ക്കം പുലര്ത്തിയതുകൊണ്ടാണ് ഇവര് ക്വറന്റീനില് പ്രവേശിച്ചത്.