കൊച്ചി മെട്രോ സര്വീസ് പുനരാരംഭിക്കാന് ഒരുക്കങ്ങളുമായി കെഎംആര്എല്
കൊച്ചി : അണ്ലോക്ക് നാലാം ഘട്ടത്തില് കൂടുതല് ഇളവുകള് വരുന്നതോടെ കൊച്ചി മെട്രോ സര്വീസ് പുനരാരംഭിക്കാന് സജ്ജമാക്കി കെഎംആര്എല് . കേന്ദ്രസര്ക്കാര് അനുമതി കിട്ടിയാല് മെട്രോ സര്വീസ് പുനരാരംഭിക്കുന്നതിനുള്ള എല്ലാ ഒരുക്കങ്ങളും പൂര്ത്തിയാക്കിയെന്ന് കെഎംആര്എല് എംഡി അല്കേഷ് കുമാര് ശര്മ അറിയിച്ചു.
നിര്മാണം പൂര്ത്തിയായ തൈക്കൂടം മുതല് പേട്ടവരെയുള്ള ഒന്നാംഘട്ട അവസാന റീച്ചില് ഉടന് സര്വീസ് ഉണ്ടാകില്ല . ആദ്യദിനം മുതല് 20 മിനിറ്റ് ഇടവേളയിലാകും സര്വീസ് നടത്തുക . രാവിലെ ഏഴിന് സര്വീസുകള് ആരംഭിക്കും . ആലുവ, തൈക്കൂടം സ്റ്റേഷനുകളില് നിന്നു രാത്രി എട്ടിന് അവസാന സര്വീസ് പുറപ്പെടുന്ന രീതിയിലാണ് ക്രമീകരണം.
യാത്രക്കാരുടെ തിരക്ക് കൂടുകയാണെങ്കില് 20 മിനിറ്റ് ഇടവേള വെട്ടിച്ചുരുക്കി കൂടുതല് സര്വീസുകള് നടത്തും . പേട്ടവരെയുള്ള ആവസാന ട്രെക്ച്ചിന്റെ ഉദ്ഘാടനം നടത്തേണ്ടതിനാലാണ് ഈ റൂട്ടില് സര്വീസ് ആരംഭിക്കാത്തത് . ഇവിടെ വാണിജ്യാടിസ്ഥാനത്തില് സര്വീസ് നടത്തുന്നതിനുള്ള എല്ലാ അനുമതിയും ലഭിച്ചിട്ടുണ്ടെന്നും അദ്ദേഹം വ്യക്തമാക്കി.
കോവിഡിനെത്തുടര്ന്നുള്ള സുരക്ഷാ ക്രമീകരണങ്ങളുടെ ഭാഗമായി ഒട്ടേറെ മുന്കരുതലുകള് സ്വീകരിച്ചു കൊണ്ടായിരിക്കും സര്വീസ് പുനരാരംഭിക്കുക.