ആലപ്പുഴ നഗരസഭയ്ക്ക് ശുചിത്വ മിഷൻ ആദരവ്
സ്വച്ഛ് ഭാരത് മിഷൻ (നഗരം) 2.0 സ്വച്ഛ് സര്‍വ്വേക്ഷൻ മീഡിയം സിറ്റി വിഭാഗത്തിൽ സംസ്ഥാനത്ത് ഒന്നാംസ്ഥാനം കരസ്ഥമാക്കിയ ആലപ്പുഴ നഗരസഭയെ ജില്ലാ ശുചിത്വ മിഷൻ ആദരിച്ചു. റോയൽ പാർക്ക് ഓഡിറ്റോറിയത്തിൽ നടന്ന ചടങ്ങ് ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി ഉദ്ഘാടനം ചെയ്തു. ജില്ലാ കളക്ടർ അലക്സ് വര്‍ഗീസിൽ നിന്നും നഗരസഭാധ്യക്ഷ കെ കെ ജയമ്മയും, ആരോഗ്യ, എഞ്ചിനീയറിങ് വിഭാഗവും ചേർന്ന് പുരസ്കാരം ഏറ്റുവാങ്ങി. എസ്ബിഎം നഗരം പദ്ധതികള്‍ നടപ്പിലാക്കുന്നതിൽ മികച്ച എഞ്ചിനീയറിങ് ടീമിനുള്ള പുരസ്കാരവും ആലപ്പുഴ നഗരസഭയ്ക്ക് ലഭിച്ചു.
ഗാര്‍ബേജ് ഫ്രീ സിറ്റി ത്രീ സ്റ്റാര്‍ പുരസ്കാരം, ഒഡിഎഫ് പ്ലസ് പുരസ്കാരം, മികച്ച സ്വച്ഛ് സര്‍വ്വേക്ഷൻ നോഡൽ ഓഫീസർ പുരസ്കാരം, മികച്ച യംഗ് പ്രൊഫഷണൽ പുരസ്കാരം എന്നിവയും ആലപ്പുഴ നഗരസഭ കരസ്ഥമാക്കി. ചടങ്ങിൽ എല്‍എസ്ജിഡി ജോയിന്റ് ഡയറക്ടർ ബിന്‍സ് സി തോമസ് അധ്യക്ഷയായി. കായംകുളം നഗരസഭാധ്യക്ഷ കെ പി ശശികല, നഗരസഭ സ്ഥിരംസമിതി അധ്യക്ഷരായ എ എസ് കവിത, എം ആർ പ്രേം, നഗരസഭ സെക്രട്ടറി ഷിബു എൻ നാൽപ്പാട്ട്, ശുചിത്വ മിഷൻ ജില്ലാ കോ ഓര്‍ഡിനേറ്റർ ഡി. ഷിന്‍സ്, ഹെല്‍ത്ത് ഓഫീസർ കെ പി വർഗീസ്, നോഡൽ ഓഫീസർ സി ജയകുമാർ, യംഗ് പ്രൊഫഷണൽ ഹരിത കമൽ, ആരോഗ്യ, എൻജിനീയറിങ് വിഭാഗം ജീവനക്കാർ തുടങ്ങിയവർ പങ്കെടുത്തു.
Related News
യുവാവിനെ തട്ടിക്കൊണ്ടുപോയി മര്‍ദിച്ചു; നടി ലക്ഷ്മി മേനോന്‍ പ്രതിയായ കേസ് റദ്ദാക്കി ഹൈക്കോടതി
ഉടയന്കാവ്-ചെമ്പന്പൊയ്ക റോഡ് നിര്മാണോദ്ഘാടനം
മിനി സിവിൽ സ്റ്റേഷൻ അനെക്സ് കെട്ടിട നിർമ്മാണോദ്ഘാടനം നിർവഹിച്ചു
അർത്തുങ്കൽ ഹാർബർ 2027 സെപ്റ്റംബറിൽ യാഥാർത്ഥ്യമാകും: മന്ത്രി സജി ചെറിയാൻ
