പാണപ്പുഴ ഗ്രാമപഞ്ചായത്തില്‍ ഓഡിറ്റോറിയം ഉദ്ഘാടനം ചെയ്തു
കടന്നപ്പള്ളി പാണപ്പുഴ ഗ്രാമപഞ്ചായത്തിലെ ചന്തപ്പുരയിൽ നിർമ്മാണം പൂർത്തിയാക്കിയ ഓഡിറ്റോറിയം തദ്ദേശ സ്വയംഭരണ വകുപ്പ് മന്ത്രി എം.ബി. രാജേഷ് ഉദ്ഘാടനം ചെയ്തു. കേരളം സാമ്പത്തികമായി ഞെരുക്കം നേരിടുന്ന സാഹചര്യത്തിലും വികസന പ്രവർത്തനങ്ങൾ നടക്കുന്നത് കേരളത്തിന്റെ തനത് വരുമാനം വർദ്ധിപ്പിച്ചതിനാലാണെന്ന് മന്ത്രി പറഞ്ഞു. തദ്ദേശ സ്ഥാപനങ്ങൾ വൈവിധ്യമാർന്ന പദ്ധതികൾ കൊണ്ടുവന്ന് തനത് വരുമാനം വർദ്ധിപ്പിക്കാനുള്ള ശ്രമങ്ങൾ നടത്തണമെന്നും അദ്ദേഹം പറഞ്ഞു.
ഓഡിറ്റോറിയങ്ങൾ പഞ്ചായത്തിന്റെ തനത് വരുമാന മാർഗമാണെന്നും മന്ത്രി പറഞ്ഞു. എം. വിജിൻ എം.എൽ.എ അധ്യക്ഷനായി. മുൻ എംഎൽഎ ടി.വി രാജേഷ് മുഖ്യാതിഥിയായി. മുൻ എം എൽ എ ടി.വി രാജേഷിന്റെ ആസ്‌തിവികസന നിധിയിൽ ഉൾപ്പെടുത്തി 80 ലക്ഷം രൂപ വിനിയോഗിച്ചാണ് ഓഡിറ്റോറിയം നിർമ്മിച്ചത്. നിലവിലുള്ള രണ്ട് നില ഷോപ്പിംഗ് കോംപ്ലക്‌സിന് മുകളിൽ മൂന്നാമത്തെ നിലയായാണ് കെട്ടിടം നിർമിച്ചത്. വിശാലമായ ഹാളിനൊപ്പം ഓഫീസ് റൂം, മൂന്ന് ടോയ്ലറ്റ്, ലിഫ്റ്റിനുള്ള അടിസ്ഥാന സൗകര്യം, സീലിംഗോടുകൂടിയ അലുമിനിയം സിങ്ക് ഷീറ്റ് മേൽക്കൂര എന്നിവയും ഉൾപ്പെടുത്തി.
Related News
ശബരിമല സ്വർണക്കൊള്ള: മുരാരി ബാബു 4 ദിവസത്തേക്ക് എസ്ഐടി കസ്റ്റഡിയിൽ
മണക്കടവ് കുടുംബാരോഗ്യ കേന്ദ്രം നാടിന് സമർപ്പിച്ചു
പുതുപ്പള്ളി ഗ്രാമപഞ്ചായത്തില്‍ വികസന സദസ് നടത്തി
പെരുമ്പടപ്പ് സ്മാർട്ട് വില്ലേജ് ഓഫീസിൻ്റെ ഉദ്ഘാടനം നിർവഹിച്ചു
