ഫിലിപ്പ് രാജകുമാരന് അന്തരിച്ചു
ലണ്ടന്: എലിസബത്ത് രാജ്ഞിയുടെ ഭര്ത്താവ് ഫിലിപ്പ് രാജകുമാരന് അന്തരിച്ചു. 99 വയസായിരുന്നു. വെള്ളിയാഴ്ച രാവിലെ വിന്ഡ്സര് കാസ്റ്റിലായിരുന്നു അന്ത്യം. ബെക്കിംഗ്ഹാം കൊട്ടാരമാണ് ഇക്കാര്യം അറിയിച്ചത്.
2017ലാണ് അദ്ദേഹം ഔദ്യോഗിക ചുമതലകളില് വിരമിച്ചത്. രാജകീയ നാവിക സേനാ ഉദ്യോഗസ്ഥനായിരുന്ന ഫിലിപ്പും എലിസബത്തും തമ്മിലുള്ള വിവാഹം 1947ലായിരുന്നു. ദന്പതികള് മാള്ട്ടായിലേക്കു പോയി. അവിടെയായിരുന്നു ഫിലിപ്പിനു പോസ്റ്റിംഗ് കിട്ടിയത്.
1952ല് പിതാവ് ജോര്ജ് ആറാമന് ദിവംഗതനായതിനെത്തുടര്ന്ന് ബ്രിട്ടീഷ് സിംഹാസനത്തിന്റെ അവകാശം എലിസബത്ത് രാജ്ഞിക്കായി. രാജ്ഞിയുടെ ഭര്ത്താവായതിനാല് നേവിയില് കിട്ടേണ്ട ഉന്നത പദവികള് നഷ്ടമായെന്നു ഫിലിപ്പു രാജകുമാരന് പരിതപിക്കുകയുണ്ടായി.
എലിസബത്ത് രാജ്ഞിയുടെ പ്രധാനപ്പെട്ട വിദേശസന്ദര്ശനങ്ങളിലെല്ലാം ഫിലിപ്പ് രാജകുമാരനും ഒപ്പംചേരാറുണ്ട്. രാജദന്പതികള് മൂന്നുതവണ ഇന്ത്യയിലെത്തിയിരുന്നു. 1961 ലായിരുന്നു ആദ്യത്തെ ഇന്ത്യാസന്ദര്ശനം. 1983 ലും 1997 ലും വീണ്ടുമെത്തിയിരുന്നു.