news

കേരള സർവകലാശാല സിൻ‍ഡിക്കറ്റ് തെരഞ്ഞെടുപ്പ്: എസ്എഫ്ഐക്ക് ഉജ്വല വിജയം

News Desk

17 June 2025 10:25 PM

കേരള സർവകലാശാല സിൻ‍ഡിക്കറ്റിലേക്കുള്ള വിദ്യാർഥി പ്രതിനിധിയുടെ തെരഞ്ഞെടുപ്പിൽ എസ്എഫ്ഐക്ക് ഉജ്വല വിജയം. ആകെ പോൾ ചെയ്ത 69 വോട്ടുകളിൽ എസ്എഫ്ഐ സ്ഥാനാർഥി വൈഭവ് ചാക്കോയ്ക്ക് 56 വോട്ടുകൾ ലഭിച്ചു. കെഎസ്‍യുവിന്റെ മുഹമ്മദ് ഷിനാസ് ബാബുവിന് 13 വോട്ടുകൾ മാത്രമാണ് നേടാനായത്. ഒരു വോട്ട് അസാധുവായിരുന്നു. എസ്എഫ്ഐ ആലപ്പുഴ ജില്ലാ സെക്രട്ടറിയും തിരുവനന്തപുരം ലോ അക്കാദമി വിദ്യാർഥിയുമാണ് വൈഭവ്.

സെനറ്റിലേക്ക് ഗവർണർ നാമനിർദേശം ചെയ്ത എബിവിപി സ്ഥാനാർഥിയുടെ പട്ടിക സ്ക്രൂട്ടണിയിൽ തള്ളിയിരുന്നു. ഐതിഹാസികമായ പോരാട്ടത്തിൻ്റെ വിജയമാണിതെന്ന് എസ്എഫ്ഐ സംസ്ഥാന പ്രസിഡൻ്റ് എം ശിവപ്രസാദ് പറഞ്ഞു. ഇത്തരത്തിൽ ഒരു തിരഞ്ഞെടുപ്പ് നടക്കരുത് എന്ന് ആഗ്രഹിച്ചവരാണ് ചാൻസലറും വൈസ് ചാൻസലറും. ഒരു വിദ്യാഭ്യാസ സ്ഥാപനത്തെയും വർഗീയ വത്കരിക്കാൻ എസ്എഫ്ഐ അനുവദിക്കില്ലെന്നും ശിവപ്രസാദ് പറഞ്ഞു.

Related News