തെറ്റായ വിവരങ്ങള് പങ്കുവയ്ക്കുന്നത് നയതന്ത്രത്തിനു പകരമാവില്ലെന്നു മന്മോഹന് സിംഗ്
ന്യൂഡല്ഹി: ലഡാക്ക് സംഘര്ഷത്തിന്റെ പശ്ചാത്തലത്തില് കേന്ദ്ര സര്ക്കാരിനെ രൂക്ഷമായി വിമര്ശിച്ച് മുന് പ്രധാനമന്ത്രി മന്മോഹന് സിംഗ്. തെറ്റായ വിവരങ്ങള് പങ്കുവയ്ക്കുന്നത് നയതന്ത്രത്തിനും നിര്ണായക നേതൃത്വത്തിനും പകരമാവില്ലെന്ന് മന്മോഹന് സിംഗ് പറഞ്ഞു. ചൈന ഉയര്ത്തുന്ന ഭീഷണിയെ നേരിടാന് ഒരു രാജ്യമെന്ന നിലയില് നാം ഒരുമിച്ചു നില്ക്കേണ്ട സമയമാണിതെന്നും മന്മോഹന് സിംഗ് വ്യക്തമാക്കി. ചരിത്രപരമായ ഒരു ഘട്ടത്തിലൂടെയാണ് രാജ്യം കടന്നുപോകുന്നത്. സര്ക്കാരിന്റെ തീരുമാനങ്ങളും പ്രവര്ത്തനവും ഗൗരവമുള്ളതായിരിക്കും. ജനാധിപത്യ രാജ്യത്ത് പ്രധാനമന്ത്രിയിലാണ് ഉത്തരവാദിത്തം വന്നുചേരുന്നത്. രാജ്യസുരക്ഷയെയും രാജ്യതാല്പര്യത്തെയും സ്വന്തം വാക്കുകള് എത്രത്തോളം ബാധിക്കുമെന്ന് പ്രധാനമന്ത്രിക്ക് ബോധ്യമുണ്ടാകണമെന്നും അദ്ദേഹം പറഞ്ഞു.
അതിര്ത്തിയില് ചൈന നിരവധി കടന്നുകയറ്റങ്ങള് നടത്തി. പ്രധാനമന്ത്രി തന്റെ വാക്കുകളിലൂടെ ചൈനക്ക് സ്വയം ന്യായീകരിക്കാനുള്ള അവസരം നല്കരുത്. ആശ്വാസകരമായ കള്ളങ്ങള് പറഞ്ഞ് സത്യത്തെ ഇല്ലാതാക്കാനാകില്ലെന്നും മന്മോഹന് സിംഗ് കൂട്ടിച്ചേര്ത്തു.