കണ്ണൂരും കാസർഗോഡും റീപോളിംഗ് പുരോഗമിക്കുന്നു: കർശന സുരക്ഷ

News Desk

19 May 2019 12:00 AM

കണ്ണൂർ : കള്ളവോട്ട് ആരോപണത്തെ തുടർന്ന് റീപോളിംഗ് പ്രഖ്യാപിച്ച കണ്ണൂർ മണ്ഡലത്തിലെ 3 ബൂത്തുകളിലും ,കാസർഗോഡ് മണ്ഡലത്തിലെ 4 ബൂത്തുകളിലും പോളിംഗ് പുരോഗമിക്കുകയാണ്.വളരെ കർശനമായ മുൻകരുതലുകളാണ് ഈ ബൂത്തുകളിൽ തെരെഞ്ഞെടുപ്പ് കമ്മീഷൻ സ്വീകരിച്ചിട്ടുള്ളത്.

കാസര്‍കോട് തൃക്കരിപ്പൂര്‍ ബൂത്ത് നമ്പര്‍ 48 കൂളിയോട് ജി. എച്ച്. എസ് ന്യൂബില്‍ഡിംഗ്, കണ്ണൂര്‍ ധര്‍മ്മടം ബൂത്ത് നമ്പര്‍ 52 കുന്നിരിക്ക യു. പി. എസ് വേങ്ങാട് നോര്‍ത്ത്, ബൂത്ത് നമ്പര്‍ 53 കുന്നിരിക്ക യു. പി. എസ് വേങ്ങാട് സൗത്ത്,കല്യാശേരിയിലെ ബൂത്ത് നമ്പര്‍ 19 പിലാത്തറ, ബൂത്ത് നമ്പര്‍ 69; പുതിയങ്ങാടി ജുമാഅത്ത് എച്ച്. എസ് നോര്‍ത്ത് ബ്ളോക്ക്, ബൂത്ത് നമ്പര്‍ 70 ജുമാഅത്ത് എച്ച്. എസ് സൗത്ത് ബ്ളോക്ക്, കണ്ണൂര്‍ തളിപ്പറമ്പ ബൂത്ത് നമ്പര്‍ 166 പാമ്പുരുത്തി മാപ്പിള എ. യു. പി. എസ് എന്നിവിടങ്ങളിലാണ് റീപോളിംഗ് നടക്കുന്നത്.

റീപോളിങ് നടക്കുന്ന ബൂത്തുകളില്‍ കര്‍ശനമായ നിരീക്ഷണസംവിധാനങ്ങള്‍ ഒരുക്കിയതായി കണ്ണൂര്‍ കളക്ടര്‍ മീര്‍ മുഹമ്മദലിയും കാസര്‍കോട് കളക്ടര്‍ ഡോ. ഡി. സജിത്ബാബുവും അറിയിച്ചു. ബൂത്തുകളില്‍ വെബ്കാസ്റ്റിങ്ങിനുപുറമേ വീഡിയോ കവറേജും ഉണ്ടാകും..