ജമ്മു കശ്മീര് പുനസംഘടന ബില്ലും പ്രത്യേക അധികാരം റദ്ദാക്കുന്നതിനുള്ള പ്രമേയവും ഇന്ന് ലോകസഭയില്
ന്യൂഡല്ഹി: ജമ്മു കശ്മീരിനുള്ള പ്രത്യേക പദവി റദ്ദാക്കല് പ്രമേയം, കശ്മീര് പുനസംഘടന ബില്ല് എന്നിവ രാജ്യസഭ പാസാക്കിയതിനു പിന്നാലെ ഇരു ബില്ലുകളും ഇന്ന് ലോകസഭ പരിഗണിക്കും . വോട്ടെടുപ്പ് സാധ്യത കൂടി മുന്നില് കണ്ട് കോണ്ഗ്രസ് അംഗങ്ങള്ക്ക് വിപ്പ് നല്കിയിട്ടുണ്ട്. സഭയില് നിര്ബന്ധമായും ഹാജരാകണമെന്നാണ് കോണ്ഗ്രസ് അംഗങ്ങള്ക്കു നല്കിയിരിക്കുന്ന നിര്ദേശം.
ജമ്മു കശ്മീരിനെയും മറ്റ് സംസ്ഥാനങ്ങളെയും വേര്തിരിക്കുന്ന ഭരണഘടനയുടെ 370-ാം അനുച്ഛേദമാണ് ജമ്മു കശ്മീരില് വികസനം തടഞ്ഞതെന്നും, അഴിമതി വളര്ത്തിയതെന്നും അമിത് ഷാ രാജ്യസഭയില് പറഞ്ഞു. യൂറോപ്പിലും സെര്ബിയയും കൊസോവോയും പോലെ ആഭ്യന്തര യുദ്ധത്തിലേക്ക് കശ്മീരിനെ മാറ്റില്ലെന്നും, അത്തരമൊരു നടപടിയില്ലാതിരിക്കാനുള്ള ഇച്ഛാശക്തി എന്ഡിഎ സര്ക്കാരിനുണ്ടെന്ന് അമിത് ഷാ വ്യക്തമാക്കി.