മൂന്ന് കണ്ണുള്ള പാമ്പിനെ കണ്ടെത്തി
ഓസ്ട്രേലിയിയില് മൂന്ന് കണ്ണുള്ള പാമ്പിനെ കണ്ടെത്തി. ഓസ്ട്രേലിയിലെ വടക്കന് മേഖലയായ ഡാര്വിനില് നിന്നും ആഴ്ചകള്ക്ക് മുന്പാണ് പാമ്പിനെ കണ്ടെത്തിയത്. പാമ്പിന് മൂന്ന് മാസം പ്രായമുണ്ടായിരുന്നു. എന്നാല് പാമ്പിനെ കണ്ടെത്തി അധികം താമസിയാതെ തന്നെ അത് ചത്തുപോയി.
40 സെന്റീമീറ്റര് നീളമായിരുന്നു പാമ്പിന് ഉണ്ടായിരുന്നത്. അതിന്റെ മൂന്ന് കണ്ണുകള്ക്കും കാഴ്ച ശക്തി ഉണ്ടായിരുന്നു. ആദ്യം ഇരട്ടത്തലയുള്ള പാമ്പാണ് ഇതെന്നാണ് കരുതിയിരുന്നത്. എന്നാല് പിന്നീടാണ് പാമ്പിന് മൂന്നു കണ്ണുകള് ഉള്ളതായി കണ്ടെത്തിയത്.
ഭക്ഷണം കഴിക്കാന് പാമ്പിന് ഏറെ ബുദ്ധിമുട്ട് ഉണ്ടായിരുന്നു. എങ്ങനെയാണ് മൂന്ന് മാസം ജീവിച്ചത് എന്നത് അത്ഭുതമാണെന്നാണ് നോര്ട്ടണ് ടെറിറ്ററി പാര്ക്ക് ആന്റ് വൈല്ഡ് ലൈഫ് അതോറിറ്റിയിലെ ജീവനക്കാര് പറയുന്നത്. പാമ്പിനെ മൂന്ന് കണ്ണുകളുള്ളതിനാല് പഠനം നടത്താനായി ഗവേഷണ സ്ഥാപനത്തില് സൂക്ഷിച്ചിരിക്കുകയാണ്.