സിപിഐ യോഗത്തിൽ പങ്കെടുക്കാതെ സി ദിവാകരൻ
തിരുവനന്തപുരം : ഇന്ന് നടന്ന സിപിഐ സംസ്ഥാന നിർവാഹക സമിതി യോഗത്തിൽ നിന്നും സി ദിവാകരൻ വിട്ടുനിന്നു. തെരഞ്ഞെടുപ്പിലെ പരാജയമാണ് കാരണം എന്നാണ് സൂചന.തിരുവനന്തപുരം മണ്ഡലത്തിലെ എൽഡിഎഫ് സ്ഥാനാർത്ഥിയായിരുന്ന സി ദിവാകരൻ മൂന്നാം സ്ഥനത്തേക്ക് പോയിരുന്നു. നെടുമങ്ങാട് എംൽഎകൂടിയാണ് സി ദിവാകരൻ.
തിരഞ്ഞെടുപ്പിലേറ്റ കനത്ത തിരിച്ചടിക്ക് പിന്നാലെ വിമര്ശനവുമായി സി.ദിവാകരൻ രംഗത്തെത്തിയിരുന്നു. ജനങ്ങള്ക്ക് ഇടതുപക്ഷത്തോടുള്ള വിശ്വാസം കുറയുന്നുവെന്ന് സി.ദിവാകരന് ആരോപിച്ചിരുന്നു.ഇടതുനേതാക്കള് പ്രോട്ടോക്കോള് നോക്കാതെ ജനങ്ങളിലേക്ക് ചെല്ലണമെന്നും, പഴയകാല നേതാക്കള് ജനങ്ങളോട് സംവദിച്ചിരുന്നുവെന്നും അദേഹം പറഞ്ഞു.