കേന്ദ്ര ആഭ്യന്തരമന്ത്രി അമിത് ഷായെ ഡല്ഹി എയിംസില് പ്രവേശിപ്പിച്ചു
ന്യൂ ഡല്ഹി: കേന്ദ്ര ആഭ്യന്തര മന്ത്രി അമിത് ഷായെ ഡല്ഹി എയിംസ് ആശുപത്രിയില് പ്രവേശിപ്പിച്ചു. ആരോഗ്യനില മോശമായതിനെ തുടര്ന്ന് ശനിയാഴ്ച രാത്രിയാണ് അമിത് ഷായെ ആശുപത്രിയില് പ്രവേശിപ്പിച്ചത്. കോവിഡ് രോഗബാധയുമായി ബന്ധപ്പെട്ടാണ് അദ്ദേഹത്തെ വീണ്ടും പരിശോധനയ്ക്ക് വിധേയനാക്കിയതെന്നാണ് ചില ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
കഴിഞ്ഞ മാസം രണ്ടാം തീയതിയാണ് കോവിഡ് ബാധ സ്ഥിരീകരിച്ച അമിത് ഷായെ എയിംസില് പ്രവേശിപ്പിച്ചത്. 13 ദിവസത്തെ ചികിത്സയ്ക്ക് ശേഷമാണ് അദ്ദേഹം അന്ന് ആശുപത്രി വിട്ടത്. എന്നാല് നിലവില് ആശുപത്രിയില് പ്രവേശിപ്പിച്ചിരിക്കുന്നതുമായി ബന്ധപ്പെട്ട് വ്യക്തമായ വിവരങ്ങളൊന്നും ലഭിച്ചിട്ടില്ല.