​ടോക്യോ ഒളിംപിക്​സ്​ മാറ്റിയേക്കും -ജപ്പാന്‍

Ajith.A

23 March 2020 09:41 AM

ടോ​ക്യോ: ലോകമെങ്ങും ​കോവിഡ്​ ഭീതിയില്‍ കഴിയുന്നതിനാല്‍ 2020ലെ ടോ​ക്യോ ഒളിമ്പിക്സ് മാറ്റിവെക്കേണ്ടി വരുമെന്ന് ജാപ്പനീസ് പ്രധാനമന്ത്രി ഷിന്‍സോ അബെ.
ഒളിമ്പിക്സ്​ റദ്ദാക്കാന്‍ ഉദ്ദേശിക്കുന്നില്ല. എന്നാല്‍, മാറ്റിവെക്കുന്നത് പരിഗണിക്കുകയല്ലാതെ മറ്റു മാര്‍ഗമില്ലെന്നും അദ്ദേഹം തിങ്കളാഴ്​ച പാര്‍ലമ​െന്‍റില്‍ പറഞ്ഞു.

ജൂലൈ 24നാണ്​​ ഗെയിംസ്​ ആരംഭിക്കേണ്ടത്​. അതിനുള്ള ഒരുക്കം തുടരുകയാണെന്ന്​ അന്താരാഷ്ട്ര ഒളിമ്പിക്സ് കമ്മിറ്റി (ഐ‌.ഒ.സി) ഞായറാഴ്ച പറഞ്ഞിരുന്നു. ഒളിമ്പിക്സ് മാറ്റുന്നതിനെ കുറിച്ച്‌​ ആലോചിക്കേണ്ട സമയമായില്ലെന്നാണ്​ ഐ.ഒ.സി പ്രസിഡന്റ്‌ തോമസ്‌ ബാക്‌ പറഞ്ഞത്​. 'നാലുമാസം ബാക്കിയിരിക്കെ ഇപ്പോള്‍ ധൃതിപിടിച്ച്‌ തീരുമാനം എടുക്കേണ്ടതില്ല. നിര്‍ണായക തീരുമാനത്തിന്‌ സമയമുണ്ട്‌. എല്ലാ സാഹചര്യങ്ങളും ഒളിമ്പിക്സ് കമ്മിറ്റിയുടെ പരിഗണനയിലാണ്‌. ലോകാരോഗ്യ സംഘടനയുടെ
നിര്‍ദേശത്തിനനുസരിച്ചാകും അന്തിമ തീരുമാനം. നിലവില്‍ അത്തരമൊരു നിര്‍ദേശം ലഭിച്ചിട്ടില്ല. ജൂലൈ 24 മുതല്‍ ആഗസ്‌ത്‌ ഒമ്ബതുവരെ ഒളിമ്പിക്സ് ടോക്യോയില്‍ നടത്തുന്ന കാര്യത്തില്‍ ജാപ്പനീസ്‌ സംഘാടകസമിതിക്ക്‌ സംശയമൊന്നുമില്ല. എല്ലാ ഒരുക്കങ്ങളുമായി അവര്‍ മുന്നോട്ടുപോകുകയാണ്' എന്നായിരുന്നു അദ്ദേഹം പറഞ്ഞത്​.

എന്നാല്‍, ഇതിനുപിന്നാലെ ടോക്കിയോ ഗെയിംസ് മേധാവി യോഷിരോ മോറിയുമായും ഐ‌.ഒ‌.സി പ്രസിഡന്‍റ്​ തോമസ് ബാക്കുമായും ജപ്പാന്‍ പ്രധാനമന്ത്രി ഷിന്‍സോ അബെ ചര്‍ച്ച നടത്തി. തുടര്‍ന്നാണ്​ ഒളിംപിക്​സ്​ മാറ്റിവെക്കുന്നതായി പ്രസിഡന്‍റ്​ പാര്‍ലമ​െന്‍റില്‍ പ്രഖ്യാപിച്ചത്​. മറ്റു തീയതി കാണാന്‍ ശ്രമം ആരംഭിച്ചതായി ഐ‌.ഒ.സി വൃത്തങ്ങളും അറിയിച്ചു. ഞായറാഴ്ച വരെ കൊറോണമൂലം ജപ്പാനില്‍ 37 മരണങ്ങളാണ്​ റിപ്പോര്‍ട്ട്​ ചെയ്​തത്​. 1,055 പേര്‍ക്കാണ്​ രോഗം ബാധിച്ചത്​.