റേഷന്‍ കാര്‍ഡ് ഇല്ലാത്തവര്‍ക്ക് ആധാര്‍ കാര്‍ഡ് വഴി ഭക്ഷ്യധാന്യം
തിരുവനന്തപുരം: കോവിഡ് വ്യാപനത്തിന്‍റെ പശ്ചാത്തലത്തില്‍ അടച്ചുപൂട്ടല്‍ പ്രഖ്യാപിച്ച സംസ്ഥാനത്ത് സൗജന്യ ഭക്ഷ്യധാന്യം എല്ലാവര്‍ക്കും ലഭ്യമാക്കുമെന്ന് മുഖ്യമന്ത്രി പിണറായി വിജയന്‍. റേഷന്‍ കാര്‍ഡ് ഇല്ലാത്ത കുടുംബങ്ങള്‍ക്ക് ആധാര്‍ കാര്‍ഡ് വഴി ഭക്ഷ്യധാന്യം നല്‍കും.
ഇവര്‍ മറ്റ് റേഷന്‍ കാര്‍ഡുകളില്‍ പേര് ഇല്ലെന്ന് ഉറപ്പുവരുത്തേണ്ടതുണ്ട്.
അവശ്യ സാധനങ്ങള്‍ക്ക് അമിതവില ഈടാക്കുകയോ കരിഞ്ചന്തയോ പൂഴ്ത്തിവെപ്പോ ഉണ്ടെങ്കില്‍ ശക്തമായ നടപടി സ്വീകരിക്കും. ഇത്തരം ചില പരാതികള്‍ ശ്രദ്ധയില്‍പെട്ടിട്ടുണ്ട്.
ഭക്ഷ്യ സിവില്‍ സപ്ലൈസ് വകുപ്പ് ഇക്കാര്യത്തില്‍ നടപടി സ്വീകരിക്കുന്നുണ്ട്. കരിഞ്ചന്തയോ അമിതവില ഈടാക്കുന്നതോ ശ്രദ്ധയില്‍ പെട്ടാല്‍ ഭക്ഷ്യ സിവില്‍ സപ്ലൈസ് വകുപ്പിന്‍റെ നമ്പറിൽ വിളിച്ച്‌ അറിയിക്കാമെന്നും മുഖ്യമന്ത്രി പറഞ്ഞു.
ഭക്ഷ്യ സിവില്‍ സപ്ലൈസ് വകുപ്പിന്‍റെ വിവിധ ജില്ലകളിലെ ഫോണ്‍ നമ്പറുകൾ.
തിരുവനന്തപുരം: 9188 5273 15
കൊല്ലം: 9188 5273 16
പത്തനംതിട്ട: 9188 5273 17
ആലപ്പുഴ: 9188 5273 18
കോട്ടയം: 9188 5273 19
ഇടുക്കി: 9188 5273 20
എറണാകുളം: 9188 5273 21
തൃശൂര്‍: 9188 5273 22
പാലക്കാട്: 9188 5273 23
മലപ്പുറം: 9188 5273 24
കോഴിക്കോട്: 9188 5273 25
വയനാട്: 9188 5273 26
കണ്ണൂര്‍: 9188 5273 27
കാസര്‍കോട്: 9188 5273 28.