കര്‍ഷക പ്രക്ഷോഭം കനക്കുന്നു; ചര്‍ച്ചയ്ക്ക് വഴങ്ങി അമിത് ഷാ
ന്യൂഡല്‍ഹി: കര്‍ഷകര്‍ പ്രഖ്യാപിച്ച ഭാരത് ബന്ദിന് രാജ്യമെമ്ബാടും അനുകൂല പ്രതികരണം ഉണ്ടായതിന് പിന്നാലെ കര്‍ഷകരെ ചര്‍ച്ചയ്ക്ക് വിളിച്ച്‌ അമിത് ഷാ. കാര്‍ഷിക നിയമങ്ങള്‍ക്കെതിരായ വന്‍ പ്രതിഷേധം അവസാനിപ്പിക്കുന്നതിനുള്ള സര്‍ക്കാറിന്റെ ആറാം ഘട്ട ചര്‍ച്ചകള്‍ക്ക് ഒരു ദിവസം മുമ്ബാണ് ആഭ്യന്തരമന്ത്രി അമിത് ഷാ ഇന്ന് വൈകുന്നേരം കര്‍ഷകരെ ചര്‍ച്ചയ്ക്ക് വിളിച്ചത്.
രാജ്യത്തിന്റെ വിവിധ ഭാഗങ്ങളില്‍ കര്‍ഷകര്‍ റോഡ്, റെയില്‍ ഗതാഗതം തടസ്സപ്പെടുത്തുകയും ദേശീയപാതകള്‍ തടയുകയും വിപണികള്‍ അടച്ചുപൂട്ടുകയും ചെയ്തതിനെ തുടര്‍ന്ന് ആഭ്യന്തരമന്ത്രി കര്‍ഷകര്‍ക്ക് മുന്നില്‍ വഴങ്ങുന്ന സ്ഥിതിയാണ് ഉണ്ടായിരിക്കുന്നത്. എനിക്ക് ഒരു ഫോണ്‍ കോള്‍ ലഭിച്ചു. അമിത് ഷാ ഞങ്ങളെ 7 മണിക്ക് ചര്‍ച്ചയ്ക്ക് വിളിച്ചിട്ടുണ്ടെന്ന് കര്‍ഷക നേതാവ് രാകേഷ് ടിക്കൈറ്റ് പറഞ്ഞു.
നിയമം പുനപരിശോധിക്കില്ലെന്ന നിലപാടായിരുന്നു ഇന്നലെ വരെ മോദി കൈക്കൊണ്ടത്. പഴയ നിയമം വച്ചുകൊണ്ട് പുതിയ നൂറ്റാണ്ടിനെ സൃഷ്ടിക്കാന്‍ കഴിയില്ലെന്നായിരുന്നു മോദി ഇന്നലെ ഒരു വേദിയില്‍ പറഞ്ഞത്. എന്നാല്‍ ഇന്നത്തെ ഭാരത് ബന്ദിന് ലഭിച്ച പിന്തുണ സര്‍ക്കാരിനെ ആശയക്കുഴപ്പത്തിലാക്കിയിട്ടുണ്ട്. ആറാം ഘട്ട ചര്‍ച്ചയ്ക്ക് ഒരു ദിവസം മുമ്ബ് തന്നെ കര്‍ഷകരെ വീണ്ടും ചര്‍ച്ചയക്ക് വിളിച്ചത് സര്‍ക്കാര്‍ നിലപാടില്‍ നിന്ന് അയയുന്നു എന്നുവേണം കരുതാന്‍.
Related News
കേന്ദ്ര മന്ത്രിസഭാ പുനഃസംഘടന ഉടന്
അമിത് ഷായെ അറസ്റ്റ് ചെയ്ത പി കന്ദസ്വാമി തമിഴ്നാട് ഡി ജി പി; സ്റ്റാലിന്റെ നിര്ണ്ണായക തീരുമാനം
മോദിക്കും അമിത് ഷായ്ക്കുമെതിരേ വിമര്ശനം;സച്ചിദാനന്ദനെ ഫേസ്ബുക്ക് താല്ക്കാലികമായി വിലക്കി
തെരെഞ്ഞെടുപ്പ് പ്രചാരണത്തിനായി അമിത് ഷാ ഇന്ന് കേരളത്തില്