ഓക്‌സിജന്‍ ക്ഷാമം; ഡല്‍ഹിയില്‍ മണിക്കൂറില്‍ 12 ആളുകള്‍ മരിക്കുന്നു

Ajith.A

25 April 2021 06:47 PM

ന്യൂഡല്‍ഹി: ഓക്‌സിജന്‍ ക്ഷാമം രൂക്ഷമായ ഡല്‍ഹിയില്‍ മണിക്കൂറില്‍ 12 ആളുകള്‍ മരിക്കുന്നതായി ഔദ്യോഗക രേഖകള്‍ ചൂണ്ടിക്കാണിക്കുന്നു. ഏപ്രില്‍ 19നും 24നും ഇടയില്‍ 1,777 മരണങ്ങള്‍ റിപ്പോര്‍ട്ട് ചെയ്തത്. ഇതനുസരിച്ച്‌ 12 പേര്‍ മണിക്കൂറില്‍ മരിക്കുന്നതായി രേഖകള്‍ സൂചിപ്പിക്കുന്നു. കഴിഞ്ഞാഴ്ച 677 മരണങ്ങള്‍ റിപ്പോര്‍ട്ട് ചെയ്തു. ഒരു മണിക്കൂര്‍ അടിസ്ഥാനത്തില്‍ മരണങ്ങളുടെ എണ്ണം ശരാശരി 10 ല്‍ കൂടുതലാണ്.

തിങ്കളാഴ്ച ഡല്‍ഹിയില്‍ 240 മരണങ്ങളാണ് റിപ്പോര്‍ട്ട് ചെയ്തത്. ചൊവ്വാഴ്ച 277 മരണങ്ങള്‍ റിപ്പോര്‍ട്ട് ചെയ്തു. ബുധാനഴ്ച 249 മരണങ്ങളും വ്യഴാഴ്ച 300ലധികം മരണങ്ങളും റിപ്പോര്‍ട്ട് ചെയ്തു. വെള്ളി, ശനി ദിവസങ്ങളില്‍ 345ല്‍ മരണങ്ങള്‍ ആയി ഉയര്‍ന്നു. അതേസമയം വ്യഴാഴ്ച 306 മരണങ്ങള്‍ റിപ്പോര്‍ട്ട് ചെയ്തപ്പോള്‍ ഡല്‍ഹിയില്‍ മണിക്കൂറില്‍ ശരാശരി 13 മരണങ്ങള്‍ റിപ്പോര്‍ട്ട് ചെയ്തു. വെള്ളിയാഴ്ച ഇത് ശരാശരി 15 ആയി ഉയര്‍ന്നു.