മന്ത്രി കെ ടി ജലീൽ രാജിവച്ചു
തിരുവനന്തപുരം: ബന്ധുനിയമന കേസിലെ ലോകായുക്ത വിധിയെ തുടര്ന്ന് ഉന്നത വിദ്യാഭ്യാസ മന്ത്രി കെ.ടി. ജലീല് രാജിവെച്ചു. രാജിക്കത്ത് ഗവര്ണര്ക്ക് കൈമാറി. മന്ത്രിസ്ഥാനത്ത് തൂങ്ങിക്കിടക്കുന്ന കെ.ടി. ജലീലിനെതിരെ സി.പി.എമ്മില് കടുത്ത അതൃപ്തി നിലനിന്നിരുന്നു.
ഭരണത്തിൻറെ അവസാന കാലങ്ങളില് സര്ക്കാറിനെയും മുന്നണിയെയും വിവാദങ്ങളില് ആഴ്ത്തിയ സംഭവങ്ങളില് പൂര്ണ രാഷ്ട്രീയസംരക്ഷണമാണ് സി.പി.എം ഒരുക്കിയിരുന്നത്. പക്ഷേ ഫലപ്രഖ്യാപന കാത്തിരിപ്പിനിടെ ഉണ്ടായ ലോകായുക്തവിധിക്ക് ശേഷം ബന്ധുനിയമനത്തില് മന്ത്രിയുടെ ഇടപെടലിെന്റ കൂടുതല് തെളിവുകള് പുറത്ത് വന്നതോടെ പാര്ട്ടി കൈവിടുകയായിരുന്നു.