അനൂപിനെ അടുത്തറിയാം, മയക്കുമരുന്ന് ഇടപാട് അറിയില്ല: ബിനീഷ് കോടിയേരി
കൊച്ചി: മയക്കുമരുന്നില് കേസില് അറസ്റ്റിലായ അനൂപ് മുഹമ്മദിനെ അറിയാമെന്ന് ബിനീഷ് കോടിയേരി. അനൂപുമായി അടുത്ത ബന്ധമുണ്ട്. എന്നാല് മയക്കുമരുന്ന് ഇടപാട് അറിയില്ലെന്നും ബിനീഷ് പറഞ്ഞു. അനൂപുമായി ബിനീഷിന് അടുത്തബന്ധമുണ്ടെന്ന യൂത്ത്ലീഗ് നേതാവ് പി.കെ ഫിറോസിന്റെ ആരോപണത്തോട് പ്രതികരിക്കുകയായിരുന്നു അദ്ദേഹം.
വസ്ത്രവ്യാപാരിയെന്ന നിലയ്ക്കാണ് അനൂപിനെ അറിയുന്നത്. ഹോട്ടല് റൂം ബുക് ചെയ്തു തരാറുണ്ട്, റസ്റ്ററന്റ് തുടങ്ങാന് ആറുലക്ഷം രൂപ വായ്പ നല്കിയിട്ടുണ്ട്. അനൂപിന് ലഹരിമരുന്ന് കച്ചവടവുമായി ബന്ധമുണ്ടെന്ന വാര്ത്ത ഞെട്ടിക്കുന്നതായിരുന്നു. ജൂലൈ പത്തിന് താന് അനൂപിനെ വിളിച്ചെന്ന ആരോപണം ശരിയല്ലെന്നും ബിനീഷ് പറഞ്ഞു.
ബംഗളൂരുവില് എത്തിയാല് മുറി ബുക്ക് ചെയ്യാറുള്ളത് അനൂപാണ്. ബംഗളൂരൂവിലെ ഹോട്ടല് മയക്കുമരുന്ന കേന്ദ്രമാണെന്ന് തരത്തില് ആര്ക്കുവേണമെങ്കിലും ആരോപണം ഉന്നയിക്കാം. കുമരകത്തെ നിശാപാര്ട്ടിയില് താന് പങ്കെടുത്തിട്ടില്ല. നാലോ അഞ്ചോ വര്ഷം മുന്പുളള ഫോട്ടോയാണ് ഇപ്പോഴത്തേതെന്ന രീതിയില് പ്രചരിപ്പിക്കുന്നതെന്നും ബിനീഷ് പറഞ്ഞു.