"അക്കൗണ്ടില് പണം വന്നത് പച്ചക്കറി വ്യാപാരം നടത്തി'; ജാമ്യത്തിനായി വാദിച്ച് ബിനീഷ്
ബംഗളൂരു: കള്ളപ്പണക്കേസില് ജയില് കഴിയുന്ന ബിനീഷ് കോടിയേരിയുടെ ജാമ്യാപേക്ഷ കര്ണാടക ഹൈക്കോടതി ഒരാഴ്ചത്തേക്ക് മാറ്റിവച്ചു. ഏഴുമാസത്തെ ജയില്വാസം ജാമ്യം നല്കാനുള്ള കാരണമല്ലെന്ന് കോടതി പറഞ്ഞു.
അതേസമയം, കള്ളപ്പണം തനിക്കില്ലെന്നും പച്ചക്കറി വ്യാപാരത്തിലൂടെയാണ് അക്കൗണ്ടില് കൂടുതല് പണം വന്നതെന്നുമാണ് ബിനീഷിന്റെ കോടതിയിലെ വാദം.
അസുഖ ബാധിതനായ പിതാവ് കോടിയേരി ബാലകൃഷ്ണനെ പരിചരിക്കാന് നാട്ടിലേക്ക് മടങ്ങണമെന്നാണ് ഹര്ജിയിലെ ബിനീഷിന്റെ ആവശ്യം. കര്ണാടക ഹൈക്കോടതിയുടെ അവധിക്കാല ബെഞ്ചാണ് ഹര്ജി പരിഗണിക്കുന്നത്.