ഗൗരിയമ്മ ഇനി ജ്വലിക്കുന്ന ഓര്മ; ടി.വി തോമസിന്റെ തൊട്ടടുത്ത് അന്ത്യവിശ്രമം
ആലപ്പുഴ: കേരള രാഷ്ട്രീയത്തിലെ വിപ്ലവ നക്ഷത്രം കെ.ആര്. ഗൗരിയമ്മ ഇനി ജ്വലിക്കുന്ന ഓര്മ. പൂര്ണ ഔദ്യേകാഗിക ബഹുമതികളോടെ കെ.ആര്. ഗൗരിയമ്മയുടെ മൃതശരീരം ആലപ്പുഴ വലിയ ചുടുകാട് ശ്മശാനത്തില് സംസ്കരിച്ചു. പ്രിയപ്പെട്ട ടി.വി. തോമസിന്റെ ശവകുടീരത്തിന് തൊട്ടടുത്താണ് ഗൗരിയമ്മക്കും അന്ത്യവിശ്രമം ഒരുക്കിയത്.
രാഷ്ട്രീയ, സാമൂഹിക, സാംസ്കാരിക രംഗത്തെ പ്രമുഖര് ഗൗരിയമ്മക്ക് അന്ത്യോപചാരം അര്പ്പിക്കാനെത്തിയിരുന്നു. കോവിഡ് ചട്ടങ്ങള് നിലനില്ക്കുന്നതിനാല് പൊലീസ് ഇടപെട്ടാണ് ജനത്തിരക്ക് നിയന്ത്രിച്ചത്.
കേരളത്തിെന്റ വിപ്ലവപഥങ്ങള്ക്ക് അതിരില്ലാത്ത സമരവീര്യങ്ങളാല് കരുത്തുപകര്ന്ന ഒരു യുഗമാണ് അസ്തമിച്ചത്. സംസ്ഥാനം ഇന്നേവരെ കണ്ട പ്രമുഖരായ രാഷ്ട്രീയ നേതാക്കളില് മുന്നിരയില് നിലയുറപ്പിച്ച ഗൗരിയമ്മയുടെ അന്ത്യം രാവിലെ ഏഴുമണിക്കായിരുന്നു. കേരളത്തിന്റെ കമ്യൂണിസ്റ്റ് രാഷ്ട്രീയ ചരിത്രത്തില് പോരാട്ടത്തിന്റെയും ചെറുത്തുനില്പ്പിന്റെയും പടിയിറക്കത്തിന്റെയുമൊക്കെ സമാനതകളില്ലാത്ത ഏട് എഴുതിച്ചേര്ത്താണ് ഗൗരിയമ്മയുടെ മടക്കം.
രക്തത്തിലെ അണുബാധയെ തുടര്ന്ന് കരമന പി.ആര്.എസ് ആശുപത്രിയില് ചികിത്സയിലായിരുന്നു. പനിയും ശ്വാസംമുട്ടലും കാരണമാണ് ഗൗരിയമ്മയെ ആശുപത്രിയില് പ്രവേശിപ്പിച്ചത്. കോവിഡ് ബാധയില്ലെന്ന് പരിശോധനയില് സ്ഥിരീകരിച്ചിരുന്നു. കേരള രാഷ്ട്രീയത്തിലെ സ്ത്രീ പ്രാതിനിധ്യത്തിലെ ഏറ്റവും ശ്രദ്ധേയമായ പേരായിരുന്നു ഗൗരിയമ്മയുടേത്. ഇന്ത്യയില് തന്നെ കൂടുതല് കാലം സംസ്ഥാന മന്ത്രിപദവിയിലിരുന്ന വനിതക്കുള്ള റെക്കോര്ഡ് ഗൗരിയമ്മക്കാണ്. കേരള നിയമസഭയില് രണ്ടുതവണ ചേര്ത്തല നിയോജകമണ്ഡലത്തെയും എട്ടുതവണ അരൂര് നിയോജകമണ്ഡലത്തെയും പ്രതിനിധീകരിച്ചിട്ടുണ്ട്.
1919 ജൂൈല 14ന് ആലപ്പുഴ ജില്ലയിലെ പട്ടണക്കാട് വില്ലേജില് കളത്തിപ്പറമ്ബില് രാമെന്റയും പാര്വതിയമ്മയുടെയും മകളായാണ് ജനനം. തുറവൂര് തിരുമല ദേവസ്വം സ്കൂളിലും ചേര്ത്തല ഇംഗ്ലീഷ് സ്കൂളിലുമായി പ്രാഥമിക വിദ്യാഭ്യാസം. എറണാകുളം മഹാരാജാസ്, സെന്റ് തെരേസാസ്, തിരുവനന്തപുരം ഗവ. ലോ കോളജ് എന്നിവിടങ്ങളിലായിരുന്നു ഉന്നത പഠനം.
വിദ്യാര്ഥി രാഷ്ട്രീയത്തിലൂടെ പൊതുരംഗത്തെത്തിയ ഗൗരിയമ്മ 1946ല് കമ്യൂണിസ്റ്റ് പാര്ട്ടിയില് ചേര്ന്നു. തൊഴിലാളി-കര്ഷക പ്രക്ഷോഭങ്ങളില് അണിനിരന്നതിന്റെ പേരില് നിരവധി തവണ തടവു ശിക്ഷ അനുഭവിച്ചിട്ടുണ്ട്.
1948ല് തിരു-കൊച്ചി നിയമസഭയിലേക്ക് നടന്ന തെരഞ്ഞെടുപ്പില് പരാജയപ്പെട്ടെങ്കിലും 1952ല് തിരു -കൊച്ചി സഭയിലേക്കു തന്നെ നടന്ന തെരഞ്ഞെടുപ്പില് കന്നിവിജയം സ്വന്തമാക്കി. '54ലും ജയം ആവര്ത്തിച്ചു. കേരള നിയമസഭയിലേക്ക് ആദ്യമായി നടന്ന 1957ലെ തെരഞ്ഞെടുപ്പില് ചേര്ത്തലയില്നിന്ന് തെരഞ്ഞെടുക്കപ്പെട്ടു. ഇ.എം.എസ് നേതൃത്വം നല്കിയ പ്രഥമ കേരള മന്ത്രിസഭയില് റവന്യൂ, എക്സൈസ്, ദേവസ്വം വകുപ്പുകളുടെ മന്ത്രിയായി. അതേ വര്ഷം തന്നെയായിരുന്നു കമ്യൂണിസ്റ്റ് നേതാവ് ടി.വി. തോമസുമായുള്ള വിവാഹം.
1964ല് കമ്യൂണിസ്റ്റ് പാര്ട്ടി പിളര്ന്നപ്പോള് ഗൗരിയമ്മ സി.പി.എമ്മിലും ടി.വി തോമസ് സി.പി.ഐയിലുമായി. ഇതോടെ ജിവിതത്തിലും ഇരുവരും വേര്പിരിഞ്ഞു. 1967ലെ രണ്ടാം ഇ.എം.എസ് മന്ത്രിസഭയിലും 1980ലെ ഒന്നാം നായനാര് മന്ത്രിസഭയിലും 1987ലെ രണ്ടാം മന്ത്രിസഭയിലും അംഗമായിരുന്നു. പാര്ട്ടിക്കെതിരാത പരാമര്ശങ്ങളെ തുടര്ന്ന് 1994 ജനുവരിയില് സി.പി.എമ്മില് നിന്നും പുറത്താക്കി. തുടര്ന്ന് ജനാധിപത്യ സംരക്ഷണ സമിതി (ജെ.എസ്.എസ്) എന്ന പാര്ട്ടിയുണ്ടാക്കി അതിെന്റ പ്രഥമ ജനറല് സെക്രട്ടറിയായി.
1996ലും 2001ലും യു.ഡി.എഫ് മുന്നണിക്കൊപ്പം ചേര്ന്ന് അരൂരില് നിന്ന് നിയമസഭയിലെത്തിയ ഗൗരിയമ്മ ആന്റണി മന്ത്രിസഭയിലും ഉമ്മന് ചാണ്ടി മന്ത്രിസഭയിലും അംഗമായി. 2006ലെ തെരഞ്ഞെടുപ്പില് അരൂരില് ദീര്ഘകാലത്തിനുശേഷം തോല്വിയറിഞ്ഞു. 2011ലും തോല്വി ആവര്ത്തിച്ചു. അവസാന കാലത്ത് ഇടതുമുന്നണിയുമായി അടുത്തെങ്കിലും അര്ഹമായ പരിഗണന ലഭിച്ചില്ലെന്ന് ഗൗരിയമ്മ പരിഭവിച്ചിരുന്നു. ഗൗരിയമ്മ സ്വന്തം ജീവിതം പറഞ്ഞ 'ആത്മകഥ'ക്ക് 2011ലെ കേരള സാഹിത്യ അക്കാദമി പുരസ്കാരവും ലഭിച്ചിട്ടുണ്ട്.
പിന്നിട്ട വഴികള്...
14.7.1919: ആലപ്പുഴ പട്ടണക്കാട്ട് കളത്തിപ്പറമ്ബില് രാമെന്റയും പാര്വതിയമ്മയുടെയും മകളായി ജനനം.
1946: കമ്യൂണിസ്റ്റ് പാര്ട്ടിയില് ചേര്ന്നു.
1952, 1954: ട്രാവന്കൂര് കൊച്ചിന് ലെജിസ്ലേറ്റിവ് അസംബ്ലി മെംബര്
1957: കേരളത്തിെന്റ ആദ്യ നിയമസഭയില് അംഗമായി ചേര്ത്തലയില്നിന്ന് ജയിച്ചു.
05.04.1957: പ്രഥമ കേരള മന്ത്രിസഭയില് റവന്യൂ, എക്സൈസ്, ദേവസ്വം മന്ത്രി.
30.5.1957: കമ്യൂണിസ്റ്റ് നേതാവ് ടി.വി. തോമസുമായുള്ള വിവാഹം.
1960: ചേര്ത്തലയില് നിന്ന് വീണ്ടും ജയം.
1967, 1970, 1980, 1982, 1987, 1991, 1996, 2001: അരൂരില്നിന്ന് നിയമസഭയില്.
1967: രണ്ടാം ഇ.എം.എസ് മന്ത്രിസഭയില് റവന്യൂ, ഭക്ഷ്യ മന്ത്രി.
1980: ഒന്നാം നായനാര് മന്ത്രിസഭയില് കൃഷി, സാമൂഹികക്ഷേമ മന്ത്രി.
1987: രണ്ടാം നായനാര് മന്ത്രിസഭയില് വ്യവസായം, സാമൂഹികക്ഷേമ മന്ത്രി.
1.1.1994: സി.പി.എമ്മില്നിന്നു പുറത്താക്കി.
20.03.1994: ജനാധിപത്യ സംരക്ഷണ സമിതി (ജെ.എസ്.എസ്) എന്ന പാര്ട്ടിയുണ്ടാക്കി. ജെ.എസ്.എസിെന്റ പ്രഥമ ജനറല് സെക്രട്ടറി.
2001: മൂന്നാം ആന്റണി മന്ത്രിസഭയില് കൃഷി, കയര് മന്ത്രി.
2004 : ഉമ്മന് ചാണ്ടി മന്ത്രിസഭയില് കൃഷി, കയര് മന്ത്രി.
2006:തുടര്ച്ചയായി ആറുതവണ വിജയിച്ച ശേഷം അരൂരില് സി.പി.എമ്മിലെ എ.എം. ആരിഫിനോട് പരാജയപ്പെട്ടു.
2011:അരൂരില് വീണ്ടും പരാജയം.