കര്‍ഷക സമരം: സര്‍ക്കാരുമായുള്ള ആറാംവട്ട ചര്‍ച്ച ഇന്ന്

Ajith.A

30 December 2020 09:15 AM

കാര്‍ഷിക നിയമങ്ങള്‍ക്കെതിരായ ഡല്‍ഹി അതിര്‍ത്തികളിലെ സമരം ഒരു മാസമാകുമ്ബോല്‍ ഇന്ന് സര്‍ക്കാരുമായുള്ള ആറാംവട്ട ചര്‍ച്ച നടക്കും. ഉ​ച്ച​ക​ഴി​ഞ്ഞ് ര​ണ്ടി​ന് ഡ​ല്‍​ഹി വി​ജ്ഞാ​ന്‍ ഭ​വ​നി​ലാ​ണ് ചര്‍ച്ച നടക്കുക. മൂ​ന്ന് കാ​ര്‍​ഷി​ക നി​യ​മ​ങ്ങ​ളും റ​ദ്ദാ​ക്കാ​നു​ള്ള ന​ട​പ​ടി​ക്ര​മ​ങ്ങ​ള്‍ ച​ര്‍​ച്ച ചെ​യ്യ​ണ​മെ​ന്നാ​ണ് ക​ര്‍​ഷ​ക​രു​ടെ ആവശ്യം.

അതിശൈത്യത്തെയും പ്രതികൂല സാഹചര്യങ്ങളെയും മറികടന്ന് കര്‍ഷക സമരം മുന്നോട്ട് പോവുകയാണ്. സമരം ഒരു മാസം തികയുമ്ബോള്‍ 32 കര്‍ഷകര്‍ക്ക് ജീവന്‍ നഷ്ടപ്പെട്ടു. നിയമങ്ങള്‍ പിന്‍വലിക്കും വരെ സമരമെന്ന ഉറച്ച നിലപാടിലാണ് കര്‍ഷകര്‍. താങ്ങുവിലയുടെ കാര്യത്തില്‍ രേഖാമൂലം ഉറപ്പു നല്‍കാമെന്ന് സര്‍ക്കാര്‍ നേരത്തെ വ്യക്തമാക്കിയിരുന്നു.