വിവാഹത്തിൽ പങ്കെടുത്തവർക്ക് വൃക്ഷതൈ
കോവളം: വിവാഹത്തിൽ പങ്കെടുത്തവർക്ക് വൃക്ഷതൈ വിതരണം ചെയ്ത് വ്യത്യസ്തമാകുകയാണ് ഡി.വൈ.എഫ്.ഐ. ഡി.വൈ.എഫ്.ഐ കരുംകുളം മേഖലാ കമ്മിറ്റി അംഗം അശ്വിൻ ആർ ചന്ദ്രന്റെയും ലക്ഷമിയുടെയും വിവാഹത്തിൽ പങ്കെടുത്തവർക്കാണ് ഡി.വൈ.എഫ്.ഐ മേഖലാ കമ്മിറ്റിയുടെ നേതൃത്വത്തിൽ വൃക്ഷ തൈകൾ വിതരണം ചെയ്തത്.
ലോക പരിസ്ഥിതി ദിനത്തോടനുബന്ധിച്ച് സംസ്ഥാനത്താകെ ഡി.വൈ.എഫ്.ഐ. നടത്തി വരുന്ന’ഭൂമിക്കായ് ഒരുമ’ എന്ന ക്യാമ്പയിൻ്റെ ഭാഗമായാണ് വിവാഹത്തിനെത്തിയവർക്കും വൃക്ഷതൈ വിതരണം ചെയ്തത്. ഡി.വൈ.എഫ്.ഐ സംസ്ഥാന കമ്മിറ്റി അംഗം വി.അനൂപ്, കരുംകുളം ഗ്രാമപഞ്ചായത്ത് പ്രസിഡന്റ് ജി.അനിൽകുമാർ എന്നിവർ വധൂവരന്മാർക്ക് വൃക്ഷതൈകൾ നൽകി ഉദ്ഘാടനം നിർവഹിച്ചു. 500 തൈകളാണ് വിതരണം ചെയ്തത്.സി.പി.ഐ.എം. കോവളം ഏര്യാ കമ്മിറ്റി അംഗം അഡ്വ.അജിത്ത്, ഡി.വൈ.എഫ്.ഐ. ജില്ലാ കമ്മിറ്റിയംഗം ശിജിത്ത്, വി.ഗബ്രിയേൽ, അഖിൽ, ദിജിത്ത്, ബാലു എന്നിവർ പങ്കെടുത്തു.സംസ്ഥാനത്താകെ 2,60,000 വൃക്ഷത്തൈകളാണ് ഡി.വൈ.എഫ്.ഐ വെച്ചുപിടിപ്പിക്കുന്നത്.