കൊച്ചിയില് കോവിഡ് വ്യാപനം രൂക്ഷം: നിലവില് 29,708 രോഗികള്
കൊച്ചി: ജില്ലയില് കോവിഡ് വ്യാപനം നാള്ക്കുനാള് രൂക്ഷമാകുന്നു. വെള്ളിയാഴ്ച മാത്രം 4548 പേര്ക്ക് രോഗം സ്ഥിരീകരിച്ചു. സംസ്ഥാനത്ത് ഏറ്റവുമധികം പേര്ക്ക് രോഗം സ്ഥിരീകരിച്ചത് വെള്ളിയാഴ്ചയും എറണാകുളത്താണ്. വ്യാഴാഴ്ച 4396 പുതിയ രോഗികളാണുണ്ടായിരുന്നത്. നിലവില് ആകെ രോഗികളുടെ എണ്ണം 29,708 ആയി.
പുതിയ രോഗികളില് 4477 പേരും സമ്ബര്ക്കത്തിലൂടെ സ്ഥിരീകരിച്ചവരാണ്. ഉറവിടം അറിയാത്ത 66 പേരും 40 അന്തര് സംസ്ഥാന തൊഴിലാളികളും പട്ടികയിലുണ്ട്. വരാപ്പുഴയിലാണ് ഏറ്റവുമധികം പേര്ക്ക് രോഗം റിപ്പോര്ട്ട് ചെയ്തത്-145. തൊട്ടുപിന്നാലെ 141 രോഗികളുമായി തൃക്കാക്കരയുണ്ട്. തൃപ്പൂണിത്തുറ-139, കടുങ്ങല്ലൂര്-108, കുമ്ബളങ്ങി -81, കളമശ്ശേരി -78, ഇടപ്പള്ളി-70, പള്ളുരുത്തി, വൈറ്റില-69, എടത്തല, കടമക്കുടി-68, ആലങ്ങാട്, ഏലൂര്, ഫോര്ട്ട്കൊച്ചി -65, കടവന്ത്ര-64, കോട്ടുവള്ളി -63, പായിപ്ര, പെരുമ്ബാവൂര് -60, കിഴക്കമ്ബലം-59, ഞാറക്കല്, മുളന്തുരുത്തി, വാഴക്കുളം -55, ചേരാനല്ലൂര്, പിറവം -54, കലൂര്, ചെല്ലാനം, ശ്രീമൂലനഗരം-53, എറണാകുളം സൗത്ത്-51, പള്ളിപ്പുറം-49, കുമ്ബളം,വെങ്ങോല -48, വേങ്ങൂര്-47, മരട് -46, എളമക്കര, കോതമംഗലം, വടക്കേക്കര-45 തുടങ്ങിയവയാണ് രോഗികള് കൂടുതലുള്ള മറ്റുപ്രദേശങ്ങള്. മൂന്ന് ആരോഗ്യപ്രവര്ത്തകര്, ഒരു പൊലീസുകാരന് എന്നിവരും രോഗികളുടെ പട്ടികയിലുണ്ട്.
572 പേര് വെള്ളിയാഴ്ച രോഗമുക്തി നേടി. 7357 പേരെകൂടി ജില്ലയില് പുതുതായി വീടുകളില് നിരീക്ഷണത്തിലാക്കി.
വീടുകളില് നിരീക്ഷണത്തില് ഉള്ളവരുടെ ആകെ എണ്ണം 62,228 ആണ്. ആകെയുള്ള 29,708 രോഗികളില് 23,210 പേരും വീടുകളിലാണ് ചികിത്സ തേടുന്നത്. ജില്ലയില്നിന്ന് കോവിഡ് പരിശോധനയുടെ ഭാഗമായി സര്ക്കാര്-സ്വകാര്യ മേഖലകളില്നിന്നായി 16,270 സാമ്ബിള്കൂടി പുതുതായി പരിശോധനക്ക് അയച്ചിട്ടുണ്ട്.