തദ്ദേശ തിരഞ്ഞെടുപ്പ്: ചെലവ് നിരീക്ഷകരെ മാറ്റി നിയമിച്ചു

News Desk

22 November 2025 10:25 PM

തദ്ദേശഭരണ തിരഞ്ഞെടുപ്പ് ചെലവുകൾ നിരീക്ഷിക്കുന്നതിനായി കണ്ണൂർ ജില്ലയിൽ നിയോഗിച്ച ഏതാനും നിരീക്ഷകരെ സംസ്ഥാന തിരഞ്ഞെടുപ്പ് കമ്മീഷൻ മാറ്റി നിയമിച്ചു. നവംബർ 25 മുതൽ വോട്ടെടുപ്പ് അവസാനിക്കുന്നത് വരെയാണ് ചെലവ് നിരീക്ഷകരുടെ ഡ്യൂട്ടി.

പുതിയ ഉത്തരവ് പ്രകാരം ജില്ലയിലെ ചെലവ് നിരീക്ഷകർ ഇവരാണ്:

ജോഷോ ബെന്നറ്റ് ജോൺ: പയ്യന്നൂർ ബ്ലോക്ക്, കല്ല്യാശ്ശേരി ബ്ലോക്ക്, പയ്യന്നൂർ നഗരസഭ.

സുനിൽ ദാസ് എസ്: തളിപ്പറമ്പ് ബ്ലോക്ക്, ആന്തൂർ നഗരസഭ, തളിപ്പറമ്പ് നഗരസഭ, ശ്രീകണ്ഠാപുരം നഗരസഭ.

ഇർഷാദ് എം.എസ്.: ഇരിക്കൂർ ബ്ലോക്ക്, ഇരിട്ടി ബ്ലോക്ക്, ഇരിട്ടി നഗരസഭ.

അഗസ്റ്റിൻ ഒ.കെ.: പേരാവൂർ ബ്ലോക്ക്, കൂത്തുപറമ്പ് ബ്ലോക്ക്, കൂത്തുപറമ്പ് നഗരസഭ. (കാസർകോട് ജില്ലയിലെ നീലേശ്വരം ബ്ലോക്ക്, നീലേശ്വരം നഗരസഭ എന്നിവയും കൂടി)

വിപിൻ വിജയൻ: പാനൂർ നഗരസഭ, തലശ്ശേരി നഗരസഭ, പാനൂർ ബ്ലോക്ക്, തലശ്ശേരി ബ്ലോക്ക്.

വൈ അഹമ്മദ് കബീർ: എടക്കാട് ബ്ലോക്ക്, കണ്ണൂർ ബ്ലോക്ക്.

സൂര്യനാരായണൻ എം.ഡി.: കണ്ണൂർ കോർപറേഷൻ.

നിരീക്ഷകരുടെ വിവരങ്ങൾ സംസ്ഥാന തിരഞ്ഞെടുപ്പ് കമ്മീഷന്റെ ഔദ്യോഗിക വെബ് സൈറ്റായ www.sec.kerala.gov.in ലും പ്രസിദ്ധീകരിച്ചിട്ടുണ്ട്.