News

സീനിയോറിറ്റി നഷ്ടപ്പെട്ടവർക്ക് പുതുക്കാൻ അവസരം

News Desk

11 October 2021 05:35 PM

2000 ജനുവരി ഒന്ന് മുതൽ 2021 ഓഗസ്റ്റ് 31 വരെയുള്ള കാലയളവിൽ വിവിധ കാരണങ്ങളാൽ എംപ്ലോയ്‌മെന്റ് എക്‌സ്‌ചേഞ്ച് രജിസ്‌ട്രേഷൻ പുതുക്കാൻ കഴിയാതെ സീനിയോറിറ്റി നഷ്ടപ്പെട്ടവർക്ക് നവംബർ 30 വരെ www.employment.kerala.gov.in ലെ സ്‌പെഷ്യൽ റിന്യൂവൽ ഓപ്ഷൻ വഴി പുതുക്കൽ നടത്താമെന്ന് മണ്ണാർക്കാട് എംപ്ലോയ്‌മെന്റ് ഓഫീസർ അറിയിച്ചു.

മണ്ണാർക്കാട് എംപ്ലോയ്‌മെന്റ് എക്സ്ചേഞ്ചിന്റെ പരിധിയിൽ വരുന്ന (രജിസ്‌ട്രേഷൻ ഐഡന്റിറ്റി കാർഡിൽ പുതുക്കേണ്ട മാസം 10/99 മുതൽ 06/2021 വരെ രേഖപ്പെടുത്തിയവർക്ക്) നേരിട്ടോ ദൂതൻ മുഖേനയോ ഓൺലൈനായോ പുതുക്കൽ നടത്താം.

എംപ്ലോയ്‌മെന്റ് എക്‌സ്‌ചേഞ്ച് മുഖേന ജോലി ലഭിച്ച് വിടുതൽ ചെയ്ത് നിശ്ചിത സമയത്തിനകം വിടുതൽ സർട്ടിഫിക്കറ്റ് ചേർക്കാത്തവരും മെഡിക്കൽ ഗ്രൗണ്ടിലും ഉപരിപഠനാർഥവും ജോലി രാജി വെച്ചവർക്കും ജോലിയിൽ പ്രവേശിക്കാതെ നോൺ ജോയിനിംഗ് സർട്ടിഫിക്കറ്റ് യഥാസമയം ഹാജരാക്കാത്തതിനാൽ സീനിയോറിറ്റി നഷ്ടപ്പെട്ടവർക്കും ഈ ആനുകൂല്യം ലഭിക്കും. ഫോൺ: 04924-222508.

Related News