പി വി അൻവറിനു ജാമ്യം
നിലമ്പൂര് ഫോറസ്റ്റ് ഓഫീസ് അടിച്ചു തകര്ത്ത കേസില് ജാമ്യം ലഭിച്ച പി വി അന്വര് എംഎല്എ ജയിലില് നിന്ന് പുറത്തിറങ്ങി. ജാമ്യം അനുവദിച്ചുകൊണ്ടുള്ള കോടതി ഉത്തരവ് ഏഴരയോടെ തവനൂര് സബ് ജയിലില് എത്തിച്ചിരുന്നു. ഇതിന് പിന്നാലെയാണ് ജയില്മോചനം സാധ്യമായത്.
ഫേറസ്റ്റ് ഓഫീസ് അടിച്ചു തകര്ത്ത കേസില് ഇന്ന് വൈകിട്ടോടെയായിരുന്നു പി വി അന്വര് എംഎല്എയ്ക്ക് ജാമ്യം ലഭിച്ചത്. നിലമ്പൂര് ഫസ്റ്റ് ക്ലാസ് കോടതിയായിരുന്നു ജാമ്യം അനുവദിച്ചത്. അന്പതിനായിരം രൂപയുടെ വീതം രണ്ട് ആള്ജാമ്യം, ഒന്നിടവിട്ട ബുധനാഴ്ചകളില് അന്വേഷണ ഉദ്യോഗസ്ഥന് മുന്നില് ഹാജരാകണം, പൊതുമുതല് നശിപ്പിച്ചതിന് 35,000 രൂപ കെട്ടിവെയ്ക്കണം, ആവശ്യപ്പെട്ടാല് ചോദ്യം ചെയ്യാന് ഹാജരാകണം, സാക്ഷികളെ സ്വാധീനിക്കരുത്, തെളിവ് നശിപ്പിക്കരുത്, സമാന കുറ്റകൃത്യത്തില് പങ്കാളിയാകരുത്, അന്വേഷണവുമായി സഹകരിക്കണം തുടങ്ങിയ വ്യവസ്ഥകളോടെയാണ് അന്വറിന് ജാമ്യം അനുവദിച്ചത്. അന്വറിനെ കസ്റ്റഡിയില് വിട്ടു നല്കണമെന്നാവശ്യപ്പെട്ടുള്ള പൊലീസിന്റെ അപേക്ഷ കോടതി തള്ളിയിരുന്നു. ജാമ്യം ലഭിച്ചതിന് പിന്നാലെ കൂടെ നിന്നവര്ക്ക് ഫേസ്ബുക്കിലൂടെ അന്വര് നന്ദി അറിയിച്ചിരുന്നു.
Related News
മഞ്ചേശ്വരത്ത് എസ്ഡിപിഐ മത്സരിക്കില്ല; കെ എം അഷ്റഫ് പത്രിക പിന്വലിക്കും
കൊച്ചിയിലെ വ്യവസായ സ്ഥാപനത്തില് തീപിടിത്തം; ഒരു മരണം
യു. പ്രതിഭയ്ക്ക് എതിരായ അധിക്ഷേപ പരാമര്ശം; നടപടിയെടുക്കാന് നിര്ദേശിച്ച് മുഖ്യ തിരഞ്ഞെടുപ്പ് ഓഫീസര്
നടനും സംവിധായകനുമായ ഇഎ രാജേന്ദ്രന് അന്തരിച്ചു
