ജൂണ് 1 മുതല് പാന് കാര്ഡ് പ്രവര്ത്തനരഹിതമാവാതിരിക്കാന് ശ്രദ്ധിക്കേണ്ട കാര്യങ്ങൾ
ആധാര്-പാൻ ലിങ്ക് ചെയ്യുന്നതിനുള്ള അവസാന തീയതി ജൂണ് 30 ന് അവസാനിക്കും. മുമ്ബ് 2023 മാര്ച്ച് 31 ആയിരുന്നു പാൻ - ആധാര് കാര്ഡ് ലിങ്കിംഗിന് നല്കിയിരുന്ന അവസാന ദിവസം.
എന്നാല് ജൂണ് 30 വരെ ദിവസം നീട്ടി നല്കുകയായിരുന്നു. ജൂലൈ 1 ന് ശേഷം ആധാറുമായി ബന്ധിപ്പിക്കാത്ത എല്ലാ പാൻ കാര്ഡുകളും പ്രവര്ത്തന രഹിതമാകുമെന്ന് സെൻട്രല് ബോര്ഡ് ഓഫ് ഡയറക്ട് ടാക്സസ് പൊതുജന ശ്രദ്ധക്കായി ഉത്തരവിറക്കിയിരിക്കുന്നു.
ആധാര് കാര്ഡുമായി പാൻ ലിങ്ക് ചെയ്യാൻ വൈകിയതിന് പിഴയും അടയ്ക്കണം. 2023 മാര്ച്ച് 31ന് മുമ്ബ് പാൻ-ആധാര് കാര്ഡ് ലിങ്ക് ചെയ്യുന്നത് സൗജന്യമായിരുന്നു. അതിന് ശേഷം 1000 രൂപയാണ് പിഴ അടയ്ക്കേണ്ടി വരുന്നത്. പിഴ 2023 ജൂണ് 30നകം ചെയ്തില്ലെങ്കില് ഇത് പ്രവര്ത്തനരഹിതമാകും.
പാൻ-ആധാര് കാര്ഡ് എങ്ങനെ ലിങ്ക് ചെയ്യാം?
1. ആദായ നികുതി വകുപ്പിന്റെ ഔദ്യോഗിക വെബ്സൈറ്റായ www.incometax.gov.in സന്ദര്ശിക്കുക എന്നതില് ലോഗിൻ ചെയ്യുക
2.ക്വിക്ക് ലിങ്ക്സ് എന്ന വിഭാഗത്തിന് താഴെയുള്ള ‘ലിങ്ക് ആധാര്’ എന്ന ഓപ്ഷൻ തിരഞ്ഞെടുക്കുക.
3.നിങ്ങളുടെ പാൻ നമ്ബര് വിശദാംശങ്ങള്, ആധാര് കാര്ഡ് വിവരങ്ങള്, പേര്, മൊബൈല് നമ്ബര് എന്നിവ സമര്പ്പിക്കുക;
4. ‘ഞാൻ എന്റെ ആധാര് വിശദാംശങ്ങള് സാധൂകരിക്കുന്നു’ എന്ന ഓപ്ഷൻ തെരഞ്ഞെടുത്ത് ‘തുടരുക’ എന്നതില് ക്ലിക്ക് ചെയ്യുക.
5.നിങ്ങളുടെ രജിസ്റ്റര് ചെയ്ത മൊബൈല് നമ്ബറില്, നിങ്ങള്ക്ക് ഒറ്റത്തവണ പാസ്വേഡ് (ഒടിപി) ലഭിക്കും. അത് പൂരിപ്പിച്ച ശേഷംസബ്മിറ്റ് ഓപ്ഷൻ ക്ലിക്ക് ചെയ്യുക.