"അപ്പോസ്തലന്മാരുടെ പ്രവൃത്തികൾ" കേരളക്കരയിൽ ചർച്ചയാകാൻ ഒരുങ്ങുന്നു!!
രാഹുൽ മാധവ്, അപ്പാനി ശരത്, കിടിലം ഫിറോസ് എന്നിവർ പ്രധാനവേഷത്തിൽ എത്തുന്ന ചിത്രമാണ് "അപ്പോസ്തലന്മാരുടെ പ്രവൃത്തികൾ ". നവാഗതനായ രാഹുൽ കൃഷ്ണ ആണ് സംവിധാനം.ചിത്രത്തിന്റെ ഓഡിയോ ലോഞ്ച് തിരുവനന്തപുരം mall of travencore ൽ വച്ച് നടന്നു. ജോസ് ബപ്പയ ഈണം പകർന്ന 4 ഗാനങ്ങളും മനോഹരമാണ്. പിന്നണി ഗായകരായ ജാസ്സി ഗിഫ്റ്റ്, അരവിന്ദ് വേണുഗോപാൽ, അൻവർ സാദത്, അവനി എന്നിവർ പങ്കെടുത്തു. Kc അഭിലാഷ്, സന്തോഷ് പേരാളി, അനിൽ പനച്ചൂരാൻ തുടങ്ങിയ അനുഗ്രഹീത രചയിതാക്കളുടെ വരികൾ ഗാനങ്ങളെ സമ്പുഷ്ടമാക്കുന്നു.ശ്രീ അനിൽ പനച്ചൂരാൻ അവസാനമായി വരികൾ എഴുതിയ മലയാള ചിത്രം എന്ന പ്രത്യേകത കൂടി അപ്പോസ്തലന്മാരുടെ പ്രവൃത്തികൾക്ക് ഉണ്ട്.
ഗാനരംഗങ്ങൾ പ്രദർശിപ്പിച്ചതിനു വൻ സ്വീകാര്യതയാണ് പ്രേക്ഷകരിൽ നിന്നു ലഭിച്ചത്. ബിഗ് ബോസ്സ് റിയാലിറ്റി ഷോയുടെ ഫൈനലിസ്റ്റ് ആയ കിടിലം ഫിറോസ് എന്ന ഫിറോസ് അസീസ്, കലാഭവൻ നന്ദന എന്നിവർ അഭിനയിച്ച പ്രണയരംഗങ്ങൾ പ്രേക്ഷകർ ആർപ്പുവിളികളോടെ ഏറ്റെടുത്തു. രാഹുൽ മാധവ്, ഡയാന ജോഡിയുടെ സാന്ദ്രമായ പ്രണയഗാനം അതിന്റെ ദൃശ്യ ഭംഗികൊണ്ട് ശ്രദ്ധേയമായി. Sajeem പൂവച്ചൽ ആണ് സിനിമയുടെ ഛായാഗ്രഹണം.അപ്പാനി ശരത് ഛടുല നൃത്ത ചുവടുകളുമായി എത്തുന്ന ജാസ്സിഗിഫ്റ്റ് പാടിയ ഗാനം ഹിറ്റ് ലിസ്റ്റിൽ ഇടം പിടിച്ചേക്കും.
മനുഷ്യരുടെ പോസിറ്റീവ് ഫെയ്സും നെഗറ്റീവ് ഷെയ്ഡും തുറന്നു കാട്ടുന്ന ത്രില്ലർ ചിത്രത്തിൽ ഡയാന ഹമീദ്, നിയ ശങ്കരത്തിൽ, നന്ദന, ഗോപിക എന്നിവർ നായികമാരാകുന്നു. നോബി മാർക്കോസ്, നെൽസൻ ശൂരനാട് എന്നിവരുടെ കരിയറിൽ ഏറ്റവും മികച്ച വേഷപ്പകർച്ചയാണ് ചിത്രം കാത്തു വച്ചിരിക്കുന്നത്. സുധീർ കരമന, ജോമോൻ ജോഷി,കുട്ടി അഖിൽ ബിജുക്കുട്ടൻ, റിയാസ് നർമകല, സാബു തുടങ്ങി പ്രിയതാരങ്ങൾ അണിനിരക്കുന്നു.ഒൻപത് സംഘട്ടന രംഗങ്ങൾ സിനിമയുടെ പ്രതീക്ഷ കൂട്ടുന്നു. ചിത്രീകരണത്തിനിടയിൽ നോബി, കിടിലം ഫിറോസ് എന്നിവർക്ക് പരിക്കുപറ്റിയത് വാർത്തയായി മാറിയിരുന്നു. ഇരുവരും പങ്കെടുത്ത fight സീക്വൻസ്, അപകടകരമായ ഒന്നായി മാറുകയായിരുന്നു. കാറിന്റെ side glass ന്റെ കുപ്പിച്ചില്ലുകൾ തറഞ്ഞു കയറി ഫിറോസിന്റെ തലയിലും കൈകളിലും പരിക്ക് ഉണ്ടാവുകയും ആശുപത്രിയിൽ പ്രവേശിപ്പിക്കുകയും ചെയ്തിരുന്നു.
സൈന ലിജു രാജ് അവതരിപ്പിക്കുന്ന, L3 എന്റർടെയിന്മെന്റ്സിന്റെ ബാനറിൽ ലിജു രാജ് നിർമിക്കുന്ന "അപ്പോസ്തലന്മാരുടെ പ്രവൃത്തികൾ" അവസാനഘട്ട പ്രീ റിലീസ് ജോലികൾ പുരോഗമിക്കുന്നു. നവംബറോടെ ചിത്രം തിയേറ്ററുകളിൽ എത്തും എന്നാണ് പ്രതീക്ഷ