യൂണി. കോളജിൽ മഹാപ്രതിരോധം തീർത്ത് എസ്എഫ്ഐ
യൂണിവേഴ്സിറ്റി കോളേജിനെയും എസ്എഫ്ഐയെയും തകർക്കാനുള്ള മാധ്യമ - പ്രതിപക്ഷ നീക്കങ്ങൾക്കെതിരെ എസ്എഫ്ഐ ജില്ലാ കമ്മിറ്റി മഹാപ്രതിരോധം സംഘടിപ്പിച്ചു. വ്യാഴാഴ്ച പകൽ 9.30ന് യൂണിവേഴ്സിറ്റി കോളേജിന് മുമ്പിൽ "തെറ്റുകളേക്കാൾ വലിയ ശരിയാണ് നമ്മൾ " എന്ന മുദ്രാവാക്യമുയർത്തിയാണ് എസ്എഫ്ഐ പരിപാടി സംഘടിപ്പിച്ചത്.
ഉയർന്ന അക്കാദമിക മികവും സർഗാത്മകതയുമുള്ള യൂണിവേഴ്സിറ്റി കോളേജിനെ തകർക്കാനാവില്ല എന്ന് വിളിച്ചുപറയുന്ന പരിപാടിയിൽ ആയിരക്കണക്കിന് വിദ്യാർഥികളും യൂണിവേഴ്സിറ്റി കോളേജിലെ പൂർവ വിദ്യാർഥികളും ബഹുജനങളും സാഹിത്യ സാംസ്കാരിക സാമൂഹ്യ രംഗങ്ങളിലെ പ്രമുഖരും അണിനിരന്നു. വിദ്യാർഥികളുടെ വിവിധ കലാപരിപാടികൾ, പ്രദർശനങ്ങൾ എന്നിവയുമുണ്ടായിരുന്നു
പൂർവ വിദ്യാത്ഥികൾ നടത്തിയ മാർച്ച്.
ഫോട്ടോകൾ : നിതിൻ പിജി