കള്ളവോട്ട് : മൂന്ന് ബൂത്തുകളിൽ കൂടി റീ പോളിംഗ്
കാസർഗോഡ് : കള്ളവോട്ട് നടന്നതായി കണ്ടെത്തിയ മൂന്നു ബൂത്തുകളില് കൂടി റീപോളിംഗ് നടത്താന് കേന്ദ്ര തെരഞ്ഞെടുപ്പ് കമ്മീഷന് നിര്ദ്ദേശം. ഇതോടെ മൊത്തം ഏഴു ബൂത്തുകളില് റീ പോളിംഗ് നടക്കും.
കാസര്കോട് തൃക്കരിപ്പൂര് ബൂത്ത് നമ്പര് 48 കൂളിയോട് ജി. എച്ച്. എസ് ന്യൂബില്ഡിംഗ്, കണ്ണൂര് ധര്മ്മടം ബൂത്ത് നമ്പര് 52 കുന്നിരിക്ക യു. പി. എസ് വേങ്ങാട് നോര്ത്ത്, ബൂത്ത് നമ്പര് 53 കുന്നിരിക്ക യു. പി. എസ് വേങ്ങാട് സൗത്ത് എന്നിവിടങ്ങളിലാണ് റീപോളിംഗ്.
നേരത്തെ കല്യാശേരിയിലെ ബൂത്ത് നമ്പര് 19 പിലാത്തറ, ബൂത്ത് നമ്പര് 69; പുതിയങ്ങാടി ജുമാഅത്ത് എച്ച്. എസ് നോര്ത്ത് ബ്ളോക്ക്, ബൂത്ത് നമ്പര് 70 ജുമാഅത്ത് എച്ച്. എസ് സൗത്ത് ബ്ളോക്ക് എന്നിവടങ്ങളിലും കണ്ണൂര് തളിപ്പറമ്പ ബൂത്ത് നമ്പര് 166 പാമ്പുരുത്തി മാപ്പിള എ. യു. പി. എസ് എന്നിവടങ്ങളിൽ റീ പോളിംഗ് പ്രഖ്യാപിച്ചിരുന്നു.
19 ന് രാവിലെ ഏഴു മുതല് വൈകിട്ട് ആറു വരെയാണ് വോട്ടെടുപ്പ്.