മഞ്ചേശ്വരം എംഎല്എ ഖമറുദ്ദീനെ കാസര്കോട് ജില്ലാ യുഡിഎഫ് ചെയര്മാന് സ്ഥാനത്തു നിന്നു നീക്കി
കാസര്കോട്: ജൂവലറി നിക്ഷേപ തട്ടിപ്പ് കേസിനെ തുടര്ന്ന് എംഎല്എ എംസി ഖമറുദ്ദീനെ യുഡി്ഫ് കാസര്കോട് ജില്ലാ ചെയര്മാന് സ്ഥാനത്തു നിന്ന് മാറ്റി മുസ്ലിം ലീഗ്. നിക്ഷേപകര്ക്ക് ആറുമാസത്തിനകം പണം തിരികെ നല്കണമെന്ന് ലീഗ് ആവശ്യപ്പെട്ടു.പ്രശ്നങ്ങള് ഖമറുദ്ദീന് തന്നെ ഏറ്റെടുക്കണമെന്നും ബാധ്യത പാര്ട്ടി ഏറ്റെടുക്കില്ലെന്നും കുഞ്ഞാലിക്കുട്ടി എംപി മലപ്പുറത്ത് മാധ്യമങ്ങളോട് വ്യക്തമാക്കി. അതേ സമയം ഇത് ഒരു വഞ്ചനയോ തട്ടിപ്പോ അല്ലെന്നും ഒരാള് തുടങ്ങി ബിസിനസ് പൊളിഞ്ഞതാണെന്നും കുഞ്ഞാലിക്കുട്ടി പറഞ്ഞു.
കാസര്കോട് എംഎല്എ എന്.എ നെല്ലിക്കുന്ന്, കാസര്കോട് ജില്ലാ പ്രസിഡന്റ് ടി.ഇ അബ്ദുള്ള എന്നിവരുമായി പാണക്കാട് തങ്ങള് ചര്ച്ച നടത്തിയതിനു പിന്നാലെയാണ് തീരുമാനം.ഖമറുദ്ദീനെ അനുകൂലിക്കുന്നവരും എതിര്ക്കുന്നവരുടെയും സമ്മര്ദ്ദത്തെത്തുടര്ന്ന് ഖമറുദ്ദീനുമായുള്ള കൂടിക്കാഴ്ച പാണക്കാട് തങ്ങള് ഒഴിവാക്കിയിരുന്നു.ഇന്ന് രാവിലെ പാണക്കാടെത്തി വിശദീകരണം നല്കാനായിരുന്നു ലീഗ് നേതൃത്വം എം.സി ഖമറുദ്ദീന് നിര്ദ്ദേശം നല്കിയിരുന്നത്. എന്നാല് അച്ചടക്ക നടപടി ഒഴിവാക്കാന് കാസര്കോട് എംഎല്എ എന്.എ നെല്ലിക്കുന്ന്, കാസര്കോട് ജില്ലാ പ്രസിഡന്റ് ടി.ഇ അബ്ദുള്ള എന്നിവരെയും കൂട്ടിയാണ് ഖമറുദ്ദീന് മലപ്പുറത്തെത്തിയത്. ഈ നീക്കം നേരത്തെ അറിഞ്ഞ ഖമറുദ്ദീന് വിരുദ്ധ വിഭാഗവും മലപ്പുറത്തെത്തി.